EVENT:  Athletics Championships for the Small States of Europe Malta 2016  

Venue:  Matthew Micallef St. John Athletic Stadium

Date:     Saturday 11^th June 2016.

The MAAA is looking for Volunteers to help in the running of the above mentioned event.  17 foreign teams will be participating in these Championships with over 400 athletes and officials coming over to Malta.  If you want to be part of this event kindly contact Mr. Roman Schwaiger, General Secretary Malta Amateur Athletics Association by sending an email on:  schwaiger.roman@gmail.com

Issir il-Beach Sports & Fitness Festival fi Pretty Bay Birżebbuġa bħala ftuħ uffiċjali tal-kampanja Now We Move. Il-kampanja tkompli b’dawn l-attivitajiet:

Programm – Kampanja NowWeMove 2016

• Bejn it-23 u d-29 ta’ Mejju – L-SPU & u l-kowċis ta’ SkolaSport ser jorganizzaw attivitajiet f’diversi faċilitajiet ta’ SportMalta

• Fit-23 ta’ Mejju – Malta Physiotherapy Associations – attivitajet ta’ fitness għall-membri

• Fis-26 ta’ Mejju – Family on the Move fil-Kumpless Sportiv ta’ Ħal Kirkop

• Fis-27 ta’ Mejju – MOVE Dance Show minn #OnTheMove Skolasport, Taż-Żokrija, fil-Mosta bejn is-1830hrs u t-2000hrs

• Fis-27 ta’ Mejju – Tbexbix Centre – Attivitajiet sportivi għall-membri

• Fid-29 ta’ Mejju – River of Love ser jorganizzaw Hike f’Kemmuna

• Fis-6 ta’ Ġunju – Attivita tal-Għeluq: #OntheMove Skolasport fil-Kumpless Sportiv tal-Marsa, Marsa bejn is-1800 u d-2100hrs

SportMalta flimkien mal-Kummissjoni Għolja Awstraljana għal Malta laqqgħu flimkien diversi stakeholders sabiex jiddiskutu t-tema l-Isport bħala pjattaforma għall-inklużjoni soċjali.

F’din id-diskussjoni li kienet indirizzata mis-Segretarju Parlamentari għar-Riċerka, Innovazzjoni, Żgħażagħ u Sport Chris Agius u l-Eċċellenza  Tagħha Jane Lambert ħadu sehem numru ta’ kelliema li kollha jirrapreżentaw oqsma differenti tas-socjeta’b’rabta diretta jew indiretta mal-kamp sportiv fosthom rapreżentanti mill-Insitute of Physical Education and Sport (IPES), Gozo Sports Board, Direttorat tal-Edukazzjoni u x-Xogħol, SportMalta, is-Segretarjat Parlamentari responsabbli mill-Isport, l-Kumitat Olimpiku Malti, il-Malta School Sport Federation (MSSF), in-National Commission for the Promotion of Equality (NCPE), mill-The President’s Foundation for the Wellbeing of Society u Grant Williams mill-programm Auskick li kien imniedi f’pajjiżna dan tmiem il-ġimgħa. Id-diskussjoni tmexiet mill-Kap Eżekuttiv ta’ SportMalta is-Sur Mark Cutajar.

Isemmew diversi temi ta’ kif l-isport għandu jservi ta’ pjattaforma biex jindirizza l-inklużjoni soċjali fosthom kif aktar ċittadini, speċjalment dawk li ġejjin minn minoritajiet, ikunu attivi.   Kif SportMalta tibqa’ toffri sessjonijiet bi prezzijiet ridotti, bl-aħjar kowċes u faċilitajiet. Kif x-xandir għandu jgħin biex jattira ċittadini minn diversi sferi tas-soċjeta’ u kif l-istess xandir jagħti spazju lill-sport differenti u ġeneri differenti fosthom l-isport femminili.  Kien diskuss l-isport fl-iskejjel, il-problemi li jiltaqgħu magħhom l-edukaturi u kif l-attivita’ fiżika tista’ tiżdied.  L-involviment tal-Kunsilli Lokali kien wkoll imsemmi.  Ideat oħra nkludew kif għandu jiġi utilizzat kull spazju li jeżisti kif ukoll il-kollborazzjoni bejn stakeholders differenti biex flimkien ikomplu iqattru l-kultura sportiva.

L-attivita’ tallum hija waħda mid-diversi attivitajiet li qegħdin isiru b’rabta maż-żjara ta’ Grant Williams, li huwa l-Kap tal-Komunità u l-Iżvilupp Internazzjonali tal-logħba tal-Football Awstraljan. Huwa jinsab f’pajjiżna biex jippromwovi l-programm Auskick kif ukoll iħarreġ kowċes biex SportMalta ikun jista’ joffri dan il-programm fix-xitwa.  Filfatt il-bieraħ itella’ Sport Carnival fil-Kumpless Sportiv tal-Marsa fejn hawnhekk it-tfal kellhom l-opportunità jiltaqgħu ma’ Grant Williams u jesperjenzaw din il-logħba.

Minbarra hekk huwa ser jkun qed jagħti s-sehem tiegħu fi sports day li ser tkun qed issir fil-Kumpless Sportiv ta’ Ħal Kirkop u ser ikun qiegħed iżur ukoll l-Iskola Primarja ta’ Marsaxlokk biex jaqsam din l-esperjenza mal-istudenti.

SportMalta flimkien mal-Kummissjoni Għolja Awstraljana u The Australian Football League (AFL) ħabret inizjattiva ġdida li biha se tkompli twessa’ l-programmi sportivi tagħha.

Auskick huwa programm li oriġina fl-Awstralja fl-1988 bl-iskop ewlieni jkun li jippromwovi l-football Awstraljan kemm mas-subien kif ukoll mal-bniet sa minn età żgħira.  Permezz ta’ dan il-programm it-tfal jitgħallmu r-regoli bażiċi ta’ dan l-isport kif ukoll iservi ta’ opportunità biex il-ġenituri jipprattikaw flimkien ma’ wliedhom billi jingħaqdu magħhom f’xi sessjonijiet.  Madanakollu l-iktar ħaġa li tispikka hija li bis-saħħa ta’ dan il-programm tfal minn diversi oqsma tas-soċjetà jersqu qrib xulxin lil hinn mid-differenzi tagħhom.

Waqt konferenza tal-aħbarijiet li saret fil-Kumpless Sportiv tal-Kottonera, il-Kap Eżekuttiv ta’ SportMalta Mark Cutajar beda billi aċċenna għar-relazzjoni qawwija li hemm bejn iż-żewġ pajjiżi u għalhekk kien ta’ pjaċir għalih li SportMalta laħaq ftehim mal-Kummissjoni Għolja Awstraljana biex ikunu jistgħu jaħdmu flimkien fuq diversi attivitajiet.  Filfatt Auskick li huwa tant popolari mhux biss fl-Awstralja iżda f’diversi pajjiżi oħra ser jkun inkluż fis-sessjonijiet ta’ #OnTheMove SkolaSport minn Ottubru li ġej.

Dan kollu qed isir fl-isfond taż-żjara ta’ Grant Williams, li huwa l-Kap tal-Kommunità u l-Iżvilupp Internazzjonali tal-logħba tal-Football Awstraljan. Grant Williams se jqatta’ ġimgħa f’pajjiżna biex jippromwovi l-programm Auskick kif ukoll iħarreġ coaches biex SportMalta ikun jista’ joffri dan il-programm fix-xitwa.  Minbarra hekk huwa ser jkun qed jagħti s-sehem tiegħu fi sports day li ser tkun qed issir fil-Kumpless Sportiv ta’ Ħal Kirkop u ser ikun qiegħed iżur ukoll l-Iskola Primarja ta’ Marsaxlokk biex jaqsam din l-esperjenza mal-istudenti.

Chris Agius launches Auskick 20-05-16

Il-Kummissarju Għoli Awstraljana, Jane Lambert spjegat li l-Kummissjoni dejjem tfittex li ttejjeb ir-relazzjoni tajba li għandhom iż-żewġ pajjiżi u spjegat dak li tixtieq li jintlaħaq permezz ta’ dan il-programm.  Is-Sinjura Lambert aċċennat kemm l-isport huwa għodda tajba sabiex itejjeb ir-relazzjonijiet mhux biss bejn l-pajjiżi imma wkoll bejn razez u kulturi differenti.  L-isport u l-programm Auskick, kompliet tgħid, ser iservi ta’ pjattaforma sabiex kulħadd iħossu ugwali.

Min-naħa tiegħu s-Segretarju Parlamentari għar-Riċerka, Innovazzjoni, Żgħażagħ u Sport Chris Agius spjega kif Malta dejjem kienet fuq ta’ quddiem sabiex tgħin biex kulħadd iħossu parti mis-soċjetà.   Wara snin jaħdem fil-volontarjat f’diversi sferi tas- soċjetà, is-Segretarju Parlamentari sġjega li xorta għad hemm nies li ma jintegrawx minħabba diversi raġunijiet fosthom il-qagħda finanzjarja, d-diżabilità u r-razza tagħhom.  Huwa faħħar l-inizjattivi li jieħdu diversi clubs sportivi sabiex jinkludu lil kulħadd, madanakollu dawn l-inizjattivi jridu issa jkunu fuq bażi nazzjonali.

Huwa spjega kif il-Gvern diġà ilu għexieren ta’ snin jaħdem sabiex jgħin lil dawk li sfortunatament ma jlaħħqux mal-ħajja tal-lum.  Is-Segretarju Parlamentari fiehem kif anke SportMalta qed taħdem sabiex kull ċittadin ikollu opportunitajiet indaqs fejn jidħol sport.  Filfatt hija tejbet l-operat, tejbet is-servizz però żammet il-prezzijiet baxxi.

Il-pubbliku huwa mistieden jattendi għall-Isport Carnival li se jsir fil-Kumpless Sportiv tal-Marsa fejn hawnhekk se jkollu l-opportunità jiltaqa’ ma’ Grant Williams u jesperjenza dan il-programm f’attività bejn id-9.30am u l-11.30am.  Waqt din il-ġurnata ser jkun imniedi uffiċjalment Auskick f’Malta u ser jkun hemm ukoll il-parteċipazzjoni ta’ Balzan Youths u l-Malta Cricket Association

Fl-isfond ta’ Learning History through Sport, attivita’ mtella’ mill-Isport Promotion Unit, tħabbar il-programm ta’ Move Week għal din is-sena li ser issir bejn it-23 u d-29 ta’ Mejju.  Move Week hija parti mill-kampanja NowWeMove li hija inizjattiva ta’ ISCA bl-għan prinċipali jkun li jiċċaqalqu 100 miljun ċittadin Ewropew sas-sena 2020.

Iċ-Ċermen ta’ SportMalta, Luciano Busuttil, elenka d-diversi attivitajiet li se jsiru fosthom dik ta’ nhar il-Ħadd li ġej fil-Bajja s-Sabiħa ta’ Birżebbuġa.  Hawnhekk se jsir Beach Sports u Fitness Festival bejn l-10am u l-4pm.  Huwa ħeġġeġ il-pubbliku biex jattendi għal din l-attivita’ bla ħlas.  Semma wkoll attivitajiet oħrajn li qed isiru bil-kollaborazzjoni ta’ entitajiet oħra fosthom il-Malta Physiotherapy Association, Tbexbix Centre u River of Love. Huwa temm jgħid li okkazzjonijiet bħal dawn ikomplu jsaħħuna kemm fiżikament kif ukoll mentalment u lkoll għandna nikkunsidraw l-importanza tal-attivita’ fiżika daqs l-importanza tas-saħħa u l-edukazzjoni.

Is-Segretarju Parlamentari għar-Riċerka, Innovazzjoni, Żgħażagħ u Sport Chris Agius faħħar l-inizzjattiva li qed jieħu SportMalta fejn għat-tielet sena konsekuttiva qed jieħu sehem f’MoveWeek li qegħda kull ma jmur tinxtered madwar l-Ewropa.  Huwa fakkar li fil-jiem li għaddew saret in-No Elevators Day anke fil-bini tal-Parlament, fejn il-Parlamentari użaw it-taraġ.  Huwa ħeġġeġ lit-tfal li kienu qed jilgħabu logħob tradizzjonali sabiex jkunu attivi u mhux jgħixu ħajja sedentarja.  Huwa tenna li l-gvern se jibqa’ mpenjat bil-ħidma tiegħu biex aktar nies jersqu lejn l-attivita’ fiżika biex, anke flimkien ma’ entitajiet u ministeri oħra, tkompli tiġi ndirizzata l-pjaga kbira tal-obeżita.

Programm – Kampanja NowWeMove 2016

• Fl-20 ta’ Mejju – MOVE Gymnastics Show by #OnTheMove Skolasport, Taż-Żokrija, Mosta bejn s-1830hrs- 2000hrs

• Fit-22 ta’ Mejju – Ftuħ Uffiċjali: Beach Sports & Fitness Festival, Pretty Bay Birżebbuġa mill-1000hrs sal-1600hrs.

• Bejn it-23 u d-29 ta’ Mejju – L-SPU & u l-kowċis ta’ SkolaSport ser jorganizzaw attivitajiet f’diversi faċilitajiet ta’ SportMalta

• Fit-23 ta’ Mejju – Malta Physiotherapy Associations – attivitajet ta’ fitness għall-membri

• Fis-26 ta’ Mejju – Family on the Move fil-Kumpless Sportiv ta’ Ħal Kirkop

• Fis-27 ta’ Mejju – MOVE Dance Show minn #OnTheMove Skolasport, Taż-Żokrija, fil-Mosta bejn is-1830hrs u t-2000hrs

• Fis-27 ta’ Mejju – Tbexbix Centre – Attivitajiet sportivi għall-membri

• Fid-29 ta’ Mejju – River of Love ser jorganizzaw Hike f’Kemmuna

• Fis-6 ta’ Ġunju – Attivita tal-Għeluq: #OntheMove Skolasport fil-Kumpless Sportiv tal-Marsa, Marsa bejn is-1800 u d-2100hrs

The Waterpolo Interschools Finals will be held on Thursday 19th May 2016 between 9:00 – 13:00 at Tal-Qroqq Complex.

On the 11^th May, 5 teams attending State, Church and Independent Girls’ Secondary Schools took part in the InterSchools’ Waterpolo Tournament qualification phase.  Participating schools were: St Lucia Girls’ Secondary, St Monica Secondary School,     St Martin’s College, Our Lady Immaculate and Sacred Heart.  Four teams qualified for the finals which will be held on the 19^th May. These events are being sponsored by Go & Fun.

For results and fixtures, click Here

On the 19^th May, the following FINAL Competitions will be held:

Boys’ Junior Tournament

Girls’ Senior Tournament

Boys’ Senior Tournament

Il-popolazzjoni ta’ Wied il-Għajn tlaħħaq ’il fuq minn 16-il elf ruħ u fis-sajf taqbeż it-22,000. Popolazzjoni li qegħda kull ma jmur tikber. Popolazzjoni żagħżugħa, b’madwar 60 fil-mija tal-Iskalin huma taħt l-40 sena, u għalhekk tħoss il-ħtieġa illi t-tfal u ż-żgħażagħ jkollhom fejn jirrikrejaw ruħhom. Kienu bosta dawk li meta kienu intervistati b’relazzjoni mas-Social Impact Assessment, li esprimew il-bżonn ta’ ground tal-football.

In-nursery bħalissa qed titħarreġ fil-ground tal-iskola primarja tal-lokal filwaqt li sezzjoni minnhom tmur titħarreġ fi grounds oħra fin-nofsinhar tal-pajjiż u t-team tal-kbar jitħarreġ fil-ground tal-Isla. Kien għalhekk li aktar inħass il-bżonn illi l-klabb ta’ Marsaskala jkollu d-dar tiegħu fejn ilaqqa’ lit-timijiet kollha f’daqqa.

Alex Muscat, deputy chief of staff fl-uffiċċju tal-Prim Ministru, qal illi meta tħabbar il-proġett tal-AUM f’Mejju 2015 li kien jinkludi medda ta’ 90,000 metri kwadri kien jinkludi ground. Issa l-proġett ser ikopri 31,000metru kwadru u allura ma setax jinkludi ground. Il-Gvern baqa’ kommess li jwettaq dak li wiegħed u baqa riżolut li jagħmel ground għall-klabb ta’ Marsaskala. Wara li kienu kkunsidrati diversi siti, l-aktar sit idoneju kien fil-Park tal-Familja. Dan ser jkun investiment ta’ 1.5 miljun ewro u mistenni jitlesta’ fi tmintax-il xahar minn mindu joħorġu l-permessi.

Is-Segretarju Parlamentari għar-Ricerka, Innovazzjoni, Żgħażagħ u Sport Chris Agius aċċenna għall-għajnuna li l-Gvern ta, permezz tal-Malta Football Association, lill-clubs tal-football kemm Maltin u anke Għawdxin. Huwa saħaq li dawn issa jridu jfittxu li jkunu sostenibbli. Kien għalhekk li s-Segretarjat qed jaħdem fuq il-White Paper tal-kummerċjalizzazzjoni tal-faċilitajiet sportivi, li hija għodda essenzjali sabiex issir il-qabża tant importanti sabiex l-isport isir aktar sostenibbli u fuq bażi professjonali u ma’ jibqax jiddependi fuq għajnuna ta’ terzi.

Indirizzaw lil dawk preżenti is-Segretarju Ġenerali tal-MFA Bjorn Vassallo, il-President tal-clubb ta’ Marsaskala Luke Spagnol u Joe Gerada wieħed miż-żewġ awturi tas-Social Impact Assesment li sar fuq l-Institute of Higher Education li ser issir fl-area taż-Żonqor.

Wara bosta snin fi stat tal-biki, lbieraħ sar l-ftuħ uffiċjali tal-warm up track tal-Matthew Micallef St John track fil-Marsa.  Xogħol, li jammonta għal fuq minn 100,000 euro, li sar bħala parti mill-assistenza li SportMalta tagħti lill-assoċjazzjonijiet sportivi Maltin.  Il-warm up track hija strippa twila 140m u kif jixhed anke l-isem, tintuża sabiex l-atleti jsaħħnu l-muskoli tagħhom qabel il-kompetizzjoni nnifisha.  It-tisbiħ fil-warm up track kien ilu mwiegħed ħames snin.

Is-Segretarju Parlamentari għar-Riċerka, Innovazzjoni, Żgħażagħ u Sport Chris Agius tkellem dwar bil-mod ħolistiku li l-Gvern jixtieq li tinbidel il-Marsa.  Dan huwa biss ftit mix-xogħol maħsub li jsir fil-faċilitajiet tal-isport fil-Marsa.  Filfatt bħalissa, il-Gvern għaddej bil-preparamenti sabiex jitlestew il-pjanti biex titranġa l-binja vojta li tħalliet mitluqa u li qatt ma ntużat ftit qabel ma tidħol għall-istess track.  Mal-pjanijiet hemm inkluż ukoll il-binja li nbniet  fl-1903 u li bħalissa tintuża minn xi assoċjazzjonijiet, kif ukoll mill-amministrazzjoni ta’ SportMalta.

Iċ-Chairman ta’ SportMalta, Luciano Busuttil qal li jinsab kuntent li wara l-għaqal li mexxa biħ dan il-Gvern biex ġab fuq saqajh il-qagħda finanzjarja, issa qed jissarraf f’dawn il-proġetti fejn kulħadd jista’ jara l-frott tal-ħidma kontinwa ta’ SportMalta.  Huwa qal li proġett bħal dan mhux biss se jitgawda mill-MAAA, iżda se jservi ta’ pjattaforma għall-atleti barranin li jkunu jixtiequ jżuru pajjiżna fejn it-temp tagħna jagħti opportunità unika li ħafna pajjiżi oħrajn ma’ għandhomx.

Mark Cutajar, Kap Eżekuttiv ta’ SportMalta, qal li seħħet wegħda oħra ta’ SportMalta hekk kif it-track hija waħda mill-kullana ta’ proġetti varati ftit tax-xhur ilu.  Huwa qal li din hija xiehda tax-xogħol kontinwu li SportMalta qed tagħmel ma’ diversi assoċjazzjonijiet biex fejn ma jaslux huma, jsibu l-appoġġ ta’ SportMalta bħall-assoċjazzjoni tal-Judo li se jkollhom tinda ġdida u r-range tal-isparar ta’ Għajn Mhelel f’Għawdex li jumejn ilu inawguraw tinda ġdida li saret permezz ta’ fondi minn SportMalta.

Huwa saħaq li l-kollaborazzjoni mal-MAAA kienet waħda tajba ħafna sa minn meta bdew id-diskussjonijiet dwar il-bdil tat-track u kompla jgħid li din se tkun opportunità biex inkomplu naqdu l-isportivi tagħna kif ukoll inressqu it-turiżmu sportiv lejn pajjiżna.  Huwa temm jgħid li dan l-investiment sar kollu f’ħin rekord u bl-aħjar governanza possibbli.

Indirizza lil dawk preżenti, Edwin Attard, il-president tal-MAAA li rringrazzja lil SportMalta tal-appoġġ li sabu hekk kif mill-ewwel aċċettaw dan il-proġett li kien ilu ma jsir xogħol fuqu sa minn meta twaqqaf, jiġifieri mill-1993. Huwa ħabbar li l-MAAA ser tirċievi fondi mill-għaqda internazzjonali tal-atletika (IAAF) biex tkompli ttejjeb is-servizzi tagħha kif ukoll għaddejjin negozjati mal-privat biex isir investiment fit-track.  Huwa qal li dan l-ispirtu ta’ koperazzjoni jista’ jkompli jissarraf fi proġetti oħra fil-Marsa biex b’hekk ikompli jikber l-isport tal-atletika.