Il-mistieden ta’ SportMalta Awards Ghazliet Sportivi Nazzjonali Simone Farina kien il-mistieden tal-unur waqt laqgha mal-kowces tat-timijiet Nazzjonali tal-MFA.  Waqt din il-laqgha Farina tkellem dwar l-istorja tieghu filwaqt li ddiskuta l-match fixing ma’ dawk prezenti.

Indirizzaw lil dawk prezenti s-Segretarju Parlamentari Chris Agius li spjega kif il-Gvern u anke SportMalta qeghdin jaghtu sostenn shih lit-Task Force kontra l-korruzjoni li nediet sena ilu l-istess MFA.  l-Kap Ezekuttiv ta’ SportMalta Mark Cutajar spjega kif intghazel Farina biex ikun il-mistiedem tal-unur ghal din l-attivita’ nazzjonali.

Kelliema ohra kienu l-vici president tal-MFA Chris Bonett u l-integrity officer Franz Tabone.  B’dan tal-ahhar jaghti prezentazzjoni ddettaljata dwar dak li aed taghmel l-assocjazzjoni u dak li qed jinbuttaw kemm il-UEFA u anke l-FIFA.

Iktar ritratti

Who will win the People’s Choice Award?

Move 360 huwa proġett pilota ta’ SportMalta, bil-kollaborazzjoni tal-Health Promotion Unit, St James Capua Hospital u l-Istitut tal-Istudji Turistiċi (ITS).  L-għan ta’ dan il-poġett pilota huwa li trawwem f’dawn it-tfal id-drawwa li jieklu tajjeb u li jagħmlu attivita’ fiżika iktar min-normal.  Madanakollu Move 360 jmur lil hinn minn hekk, għaliex ser ikun qiegħed jagħmel paragun ma’ tfal oħrajn li mhux qed isegwu l-programm biex eventwalment isir magħruf jekk il-proġett pilota kienx effettiv u jekk laħaqx l-objettiv impost.

L-isem ta’ dan il-proġett pilota kien imnebbaħ fuq it-tema li t-tfal ser jkunu qed jagħmlu 360 minuta t’eżerċizzju iżjed fil-ġimgħa. Dan il-programm qed jieħu ħsieb lit-tfal fi tlett oqsma tal-ħajja tagħhom; l-ikel, l-eżerċizzju u l-lat akkademiku.  Il-proġett huwa mifrux fuq medda ta’ sitt xhur, f’liema perjodu ta’ żmien it-tfal ser ikunu taħt osservazzjoni.  Filfatt qabel beda dan il-proġett it-tfal ġew eżaminati minn speċjalisti u dawn ser jibqgħu jkunu osservati tul il-proċess kollu.  Minbarra dan, it-tfal ser ikollhom ukoll appuntament regolari ma’ dentisti mill-Isptar Mater Dei.

F’dan il-proġett pilota qed jipparteċipaw l-istudenti tal-ħames klassi ta’ tlett kulleġġi; Santa Margerita, San Benedittu u San Ġorġ Preca.  Matul l-ewwel fażi ta’ dan il-proġett, saru diskussjonijiet mal-WHO fejn ġie determinat liema gruppi ta’ tfal għandhom jiġu segwiti.

It-tfal tal-Kulleġġ Santa Margerita qed jattendu darbtejn fil-ġimgħa wara l-ħin tal-iskola sal-5.30pm.   It-tfal qed ikunu miġbura, permezz ta’ trasport provdut mill-proġett, minn kull skola u meħudha l-Kumpless ta’ SportMalta fil-Kottonera u lura lejn id-dar wara li jispiċċaw is-sessjonijiet.  Waqt li jkunu fil-Kumpless, it-tfal qed jippreparaw l-ikel, jieklu, jagħmlu x-xogħol tal-iskola u fuq kollox jagħmlu attivita’ fiżika.  It-tfal li huma 25 b’taħlita ta’ subien u bniet mill-Iskejjel tal-Birgu, Bormla, Isla, Kalkara u Xgħajra qed ikunu mgħejuna minn għalliema, Learning Support Assistants u għalliema tal-edukazzjoni fiżika.

Intant Move 360 qed joffri programm speċifiku ta’ attivita fiżika wara l-ħin tal-iskola għat-tfal tal-Kulleġġ San Benedittu.  L-għan ta’ dan il-programm huwa li dawn it-tfal iżidu l-attivita’ fiżika f’ħajjithom u b’hekk ikunu aktar b’saħħithom, billi jibqgħu għall-attivitajiet sportivi fir-raħal tagħhom.

Indirizza lil dawk preżenti, l-Kap Eżekuttiv ta’ SportMalta Mark Cutajar li spjega kif dan il-proġett pilota qed jkun offrut b’xejn għas-sitt xhur li ġejjin grazzi għall-ħidma u s-sostenn ta’ bosta entitajiet li qed jaħdmu flimkien ma’ SportMalta.  Huwa semma kif dan il-programm jara li jagħti l-ħiliet neċessarji lill-parteċipanti wara l-ġurnata tal-iskola, filwaqt li fakkar li SportMalta ser tkun qed tippreżenta s-sejbiet tagħha fl-aħħar tal-proġett pilota lill-Ministru tal-Edukazzjoni u x-Xogħol u tul il-Presidenza tal-EU, bil-ħsieb li tkun mifruxa fuq il-pajjiż kollu.

Il-Ministru għax-xogħol u l-edukazzjoni Evarist Bartolo semma kif dan il-proġett huwa xempju ta’ prattika tajba li qed iġib flimkien is-settur privat flimkien mas-servizzi tal-gvern.  Huwa kompla jgħid li dan il-proġett pilota qed jkun ta’ ġid għal dawn l-istudenti, filwaqt li jara li l-iżvantaġġ soċjali li uħud minnhom jiffaċċjaw ma jkunx żvantagg tul il-ħajja kollha.  Huwa temm jgħid li qed jispera li s-sejbiet wara sitt xhur ikunu pożittivi u jkun jista’ jestendi dan il-proġett fuq il-bqija tal-pajjiż.

Is-Segretarju Parlamentari għar-Riċerka, l-Innovazzjoni, ż-Żgħażagħ u l-Isport Chris Agius li spjega kif bl-għaqal SportMalta kull ma jmur qed tiġġedded u tvarja inizzjattivi innovattivi varji.

Preżenti wkoll iċ-Ċermen ta’ SportMalta Luciano Busuttil u bosta rapreżentanti tal-entitajiet imsieħba f’dan il-proġett fosthom Benna Dairy Products Ltd,  Frott Artna,  Miller Distributors Ltd u Mater Dei Dentistry Department.

Participate in this year’s SportMalta Awards – Ghazliet Sportivi Nazzjonali, by voting for your favourite Athlete or Official by sending a blank SMS to these numbers:

50616721 – Hannah Pace – Malta Triathlon Federation

50616722 – Steven Fenech – Malta Wheelchair DanceSport Association

50616723 – William Vella – Malta Shooting Sport Federation

50616724 – Joseph Borda – Malta Rugby and Football Union

50616725 – Matthew Zammit – Aquatic Sports Association of Malta

Each SMS cost 37c 

Il-Kumitat Organizattiv ta’ Sport Malta Awards l-Għażliet Sportivi Nazzjonali ħabbar uffiċjalment il-ħames finalisti tal-edizzjoni ta’ din is-sena li se ssir nhar is-Sibt 13 ta’ Frar 2016 f’Dar il-Mediterran għall-konferenzi. Għal sena oħra l-edizzjoni ta’ din is-sena se tkun organizzata flimkien bejn SportMalta u l-Għaqda Ġurnalisti Sports.
Fl-edizzjoni ta’ din is-sena, li se tkun qed tippremja l-kisbiet sportivi tas-sena 2015, se jkunu preżentati xejn inqas minn 11 il-kategorija li jinkludu: Sportiv tas-Sena, Sportiva tas-Sena, Żagħżugħa tas-Sena, Żagħżugħ tas-Sena, Tim tas-Sena, Kowċ tas-Sena, Uffiċjal tas-Sena, u l-People’s Choice Award. Jingħataw wkoll ir-rikonoxximent għall-atleta f’Għawdex u l-Avveniment tas-Sena flimkien ma’ żewġ rikonoxximenti lil Special Olympics Malta; wieħed fil-kategorija tan-nisa u l-ieħor tal-rġiel.

F’Konferenza Stampa, fejn fiha ġew ippreżentati ċ-ċertifikati lis-semi finalisti kollha, kienu preżenti s-Segretarju Parlamentari għar-Riċerka, l-Innovazzjoni, ż-Żgħażagħ u l-Isport Chris Agius, iċ-Ċermen tal-Kumitat Organizattiv Mark Cutajar, il-President tal-Għaqda Ġurnalisti Sports Charles Camenzuli u ċ-Ċermen ta’ SportMalta Luciano Busuttil.

Il-Finalisti tal-edizzjoni ta’ din is-sena huma dawn:

Sportiv tas-Sena
Camilleri Stevie – Waterpolo
Chetcuti Andrew – Għawm
Moore Kevin – Atletika
Pulis Rodmar – Weightlifting
Spiteri Mark – Ten Pin Bowling
Vella Adam – Lotta

Sportiva tas-Sena
Abela Sue – Ten pin Bowling
Bonello Spiteri Danica – Triathlon
Camilleri Rebecca– Atletika
Dalli Peppijna – Ġinnastika
Wingfield Charlotte – Atletika

Uffiċjal tas-Sena
Caruana Curran Joe – ASA
Caruana Jesmond – Weightlifting
Muscat Joseph – Basketball
Pace Johan – ASMK
Pisani Clayton – MFA

Kowc tas-Sena
Chun Albert – Ġinnastika
Giordimaina Jesmond – Lotta
Izzo Karl – Waterpolo
Vella Silvio – Football
Vogelesang Rickard – Ten Pin Bowling

Żagħżugħ tas-Sena
Attard Kurt – Ten Pin Bowling
Camilleri Luke – Atletika
Cassar Kurt – Basketball
Giordimaina Gary – Lotta
Mifsud Kieran – Weightlifting
Plumpton Ben – Waterpolo

Żagħżugħa tas-Sena
Dalli Peppijna – Ġinnastika
Micallef Amy – Għawm
Richard Janet – Atletika
Xuereb Sara – Ten pin Bowling
Zammit Nina – Triathlon

Tim tas-Sena
Ġinnastika : Tim Nazzjonali ‘A’ GSSE
Snooker : Tim : Tony Drago – Brian Cini
Ten Pin Bowling : Tim : Mediterranean Cup
Waterpolo : Tim Nazzjonali Irġiel – ‘ A
Waterpolo : Tim Nazzjonali Under 17

Ta’ min jinnota li hemm żewġ kategoriji, dawk tal-Isportiv tas-Sena u ż-Żagħżugħ tas-Sena, li fihom sitt finalisti flok ħamsa dan minħabba l-fatt li fil-votazzjoni tal-ġurnalisti membri tal-Għaqda Ġurnalisti Sports kien hemm żewġ individwi li spiċċaw bl-istess ammont ta’ punti.
Intant waqt il-Konferenza tal-aħbarijiet tħabbru wkoll il-finalisti tal-People’s Choice Award, liema kategorija se tkun missielta bejn il-lista t’hawn taħt fejn hemm in-numru tal-SMS marbut ma’ kull finalista ta’ din il-kategorija.

50616721 – Hannah Pace – Malta Triathlon Federation
50616722 – Steven Fenech – Malta Wheelchair DanceSport Association
50616723 – William Vella – Malta Shooting Sport Federation
50616724 – Joseph Borda – Malta Rugby and Football Union
50616725 – Matthew Zammit – Aquatic Sports Association of Malta

Il-mistieden speċjali għall-edizzjoni ta’ din is-sena ser ikun Simone Farina, l-ex player tal-football li huwa simbolu kontra l-korruzzjoni fl-Italja.
Ħajr imur għall-isponsors tas-serata li huma Bank Of Valletta (BOV), Maltco Lotteries, MSV life p.l.c., Bajada new energy group Ltd., Charles Grech & Co. Ltd, General soft drinks Co. Ltd., Mediterranean Conference Centre (MCC), Public Broadcasting Limited (PBS), The Knot u Vascas Jewellers.
Il-preżentatur ta’ din is-serata, li ser tkun mxandra live fuq TVM2, ser ikun il-ġurnalista Clinton Buhagiar.

Iktar ritratti ghafas hawn

Illum saret l-inawgurazzjoni uffiċjali tal-Proġett tal-ERDF 339 li huwa proġett li jwassal biex tinħoloq aktar enerġija effiċjenti fil-Kumpless tal-Pixxina Nazzjonali tal-Qroqq.  

Id-dettalji dwar dan il-proġett ingħataw mill-project leader Dermot Galea li qal li dan il-proġett sar b’investiment totali ta’ €1,156,008, bl-għan ikun li jitħares l-ambjent billi tintuża enerġija alternattiva. Dan qed jgħin biex il-Pixxina, fiż-żmien li ġej, ma tibqax tagħmel telf u tkun ta’ piż fuq il-Gvern u SportMalta.  Huwa elenka l-erba’ fażijiet tal-proġett li kienu:

1. L-installazzjoni ta’ heat pumps għall-pixxini,
2. L-installazzjoni ta’ Variable Refrigerant Flow airconditioning system għall-West Stand, fejn jinsabu l-uffiċini.
3. L-installazzjoni ta’ solar collectors li ser ikunu użati biex jissaħħan l-ilma tax-showers fil-Kumpless.
4. L-installazzjoni ta’ pool covers għaż-żewġ pixxini

Is-Segretarju Parlamentari għar-Riċerka, l-Innovazzjoni, iż-Żgħażagħ u l-Isport Chris Agius beda billi feraħ lit-tim tal-waterpolo li kien għadu kif rebaħ il-logħba kontra t-Turkija waqt il-Kampjonati Ewropej tal-Waterpolo u semma kif il-Gvern diġà qed jagħti sostenn kbir lill-isport tal-waterpolo u lill-isport akkwatiku ieħor anke bil-bini ta’ pixxina f’Għawdex u bil-pitch tal-waterpolo f’Birżebbuġa.  Huwa semma kif il-politika m’għandha qatt tkun imħallta mal-isport u kollha għandna niġbdu ħabel wieħed għal dan il-għan.

Chris Agius semma kif waslet ukoll fil-fażi ta’ aġġudikazzjoni l-għażla tal-perit li ser ikun qiegħed jagħmel il-pjanti tal-pixxinaindoor fil-Kottonera.  Minbarra dan, aċċenna għall-miżuri tal-budget relatati mal-isport li qed ikomplu jaġevolaw lill-komunità sportiva.  

Huwa kompla jgħid li din hija ħolqa oħra mill-katina ta’ wegħdi elettorali li qed jitwettqu fejn qed jiġi ġġenerat il-kumpless tal-pixxina tal-Qroqq.  Fil-leġiżlazzjoni li għaddiet, kien iktar importanti li jinbnew faċilitajiet ġodda li mhux dejjem kienu sostenibbli u l-faċilitajiet eżistenti tħallew fi stat dilapidat.

Waqt din l-inawgurazzjoni, is-Segretarju Parlamentari għall-Presidenza UE 2017 u għall-Fondi Ewropej Ian Borg spjega li dan il-proġett ikkwalifika taħt il-Fond Ewropew għall-Iżvilupp Reġjonali u ser ikun ibbenefika minn madwar €400,000.

Is-Segretarju Parlamentari Ian Borg ħabbar ukoll li għall-ewwel darba ser ikun hemm madwar €5M Fondi Ewropej li ser ikunu allokati għall-iżvilupp ta’ infrastruttura sportiva f’żoni hekk meqjusa bħala żvantaġġjati.  Dawn il-fondi għandhom l-għan li jikkumbattu problemi ta’ esklużjoni soċjali kif ukoll ikomplu jtaffu l-problemi relatati mal-obesità, spejga Dr. Borg.

Dr. Borg temm jgħid li bl-istess mod, permezz tal-investiment ġewwa l-Pixxina Nazzjonali, aktar klijenti ser ikunu qed jirċievu servizzi ta’ kwalità aħjar – anki b’rati sussidjati lil dawk kollha li huma membri – hekk kif il-parteċipazzjoni fl-isports mistennija li tkompli tiżdied.

Iċ-Chairman ta’ SportMalta, Dr. Luciano Busuttil tkellem dwar ir-relevanza ta’ fondi Ewropej. Huwa ħabbar li SportMalta fetħet dipartiment relatat max-xogħol tal-Unjoni Ewropea sabiex l-entità tkun iżjed relevanti f’dan il-qasam.

Il-kap Eżekuttiv ta’ SportMalta Mark Cutajar qal li fl-2016, l-entità ser tkun qed iżżomm ir-ritmu tas-sena li għaddiet.  Huwa ħabbar li s’issa diġà ġew konklużi numru ta’ proġetti filwaqt li l-proġetti l-kbar diġà jinsabu f’fażi ta’ aġġudikazzjoni. 

Huwa semma li fit-23 ta’ April ser issir konferenza nazzjonali għall-għaqdiet sportivi kollha u NGOs u ħabbar li f’Novembru, SportMalta ser tkun qed tospita aktar minn 300 delegat minn universitajiet differenti għall-Assemblea Ġenerali tal-ENAS.

SportMalta ppreżentat l-aħħar sett ta’ għajnuniet finanzjarji lill-assoċjazzjonijiet u atleti individwali biex b’kollox, matul is-sena 2015, tat madwar miljun ewro f’assistenza finanzjarja. Fl-aħħar ċerimonja kien preżentat total ta’ ’l fuq minn €300,000, li kien jinkludi għajnuna għall-10 proġetti relatati ma turiżmu sportiv. 

B’kollox kienu 214 atleta u assoċjazzjoni li bbenefikaw minn assistenza finanzjarja matul is-sena li għadha kemm spiċċat. Dawn kienu maqsumin f’erba’ ċerimonji, bl-aħħar waħda tkun dik tal-bieraħ filgħaxija. SportMalta torganizza erba’ ċerimonji sabiex l-assoċjazzjonijiet sportivi u l-atleti ma jkollhomx jistennew żmien twil għall-assistenza finanzjarja. Dawn huwa parti mir-riforma ta’ SportMalta għall-benefiċċju tal-assoċjazzjonijiet u federazzjonijiet, biex b’hekk tagħtihom aktar ċertezza biex jippjanaw finazjarjament.

Is-Segretarju Parlamentari għar-Riċerka, Innovazzjoni, Żgħażagħ u Sport Chris Agius aċċenna għall-fatt li fil-ġimgħat li ġejjin ser ikun qiegħed jitnieda l-abbozz tar-riforma tal-kummerċjalizzazzjoni tal-faċilitajiet sportivi, sabiex l-assoċjazzjonijet ma jibqgħux jiddependu biss fuq SportMalta, imma jibdew jkunu awto-suffiċjenti. Huwa semma’ wkoll li fil-ġimgħat li ġejjin se titnieda għall-konsultazzjoni din ir-riforma, u ħeġġeġ lill-pubbliku sabiex jibgħat ir-rimarki tiegħu.

Mark Cutajar, l-Aġent Kap Eżekuttiv ta’ SportMalta, semma’ li x-xewqa tas-Segretarjat Parlamentari u ta’ SportMalta hija li s-sena 2017, is-sena tal-Presidenza tal-Unjoni Ewropeja, tkun is-sena tal-isport għal pajjiżna. Huwa ħeġġeġ lill-assoċjazzjonijiet preżenti biex jorganizzaw attivitajiet internazzjonali f’pajjiżna tul dik is-sena. Cutajar fakkar li, SportMalta, flimkien mal-Għaqda Ġurnalisti Sport, se tkun qiegħda għal darb’oħra torganizza serata waħda ta’ għoti ta’ unuri li ser issir nhar it-13 ta’ Frar, u ħeġġeġ lill-assoċjazzjonijiet sportivi sabiex jinnominaw l-aħjar atleti tagħhom. Cutajar semma li fiż-żmien li ġej se jibda x-xogħol biex ikunu preparati serje ta’ emendi sabiex il-Liġi tal-Isport tkun konforma mal-kuntest preżenti. Semma’ wkoll li l-proġetti li tħabbru f’Novembru diġà bdew jitlestew u li fil-11 ta’ Jannar ser ikun aġġudikat it-tender biex jiġu identifikati il-periti għad-disinn tal-estensjoni tal-Kottonera u tal-Youth Village f’Santa Venera.

 Iċ-Ċermen ta’ SportMalta, Luciano Busuttil, saħaq fuq l-importanza li SportMalta u l-assoċjazzjonijiet jiġbdu ħabel wieħed għall-ġid tal-isport f’pajjiżna. Huwa aċċenna għall-bosta proġetti li imbarkat fuqhom SportMalta, bl-għan li aktar assoċjazzjonijiet jutilizzawhom.

Two Volleyball tournaments were organised for Form 5 boys and girls on Wednesday 9^th December and Friday 11^th December respectively.

In the first tournament around 60 boys from the Verdala International School, St Theresa College St. Venera Secondary, San Gorg Preca College Hamrun Secondary, Stella Maris College Gzira and St Thomas More College Hamrun Secondary, participated in a round robin format for a total of ten games on a best out of three sets.

Following this tournament it was the girls’ turn two days later. 40 girls from St Monica School Birkirkara, St Catherine School Pembroke and St Joseph School Blata l-Bajda took part in six games on the same format as in the previous day.

The two tournaments were won by the Verdala International School and St Monica respectively after managing to have the better in interesting and intense games in which the players produced a good level of play.

These two tournaments will be followed by two festivals for Form 3 & 4 boys and girls in March 2016 and another festival for Form 1 students in April.