10 Miljun Ewro nvestiti mill-Gvern

Matul is-sena ddieħla SportMalta ser tkun qegħda tagħmel investiment kapitali ta’ 10 miljun Ewro biex ttejjeb l-infrastruttura tal-Kumplessi fi ħdanha.  B’dan il-pass SportMalta se tkompli tikkonsolida l-ħidma li nbdiet f’dawn l-aħħar sentejn.

Dan tħabbar illum f’konferenza tal-aħbarijiet li saret fil-Kumpless Sportiv tal-Kottonera, li huwa l-lok fejn ser isiru uħud mill-proġetti.

Is-Segretarju Parlamentari għar-Riċerka, l-Innovazzjoni, ż-Żgħażagħ u l-Isport Chris Agius aċċenna għall-istat li fih kienu sabu l-kumplessi fi ħdan SportMalta.  Huwa kompla jgħid li SportMalta imbarkat fuq ħidma sfieqa sa mill-ewwel ġranet ta’ din il-leġislatura, li jkompli jikkonferma kemm verament dan huwa Gvern li ħadem sabiex Malta jkollha l-Ekonomija b’Saħħitha li qed ingawdu bħalissa.

Is-Segretarju Parlamentari semma speċifikament il-kumpless tal-Pixxina Nazzjonali tal-Qroqq li diġa bdiet issirlu l-manutenzjoni għaliex tant kien tħalla fi stat diżastruż li kien hemm il-biża li ssir xi traġedja.  Il-kumpless tal-Pixxina f’Tal-Qroqq ma kienx l-uniku eżempju li semma s-Segretarju Parlamentari, għaliex fil-kumplessi kollha kien hemm bżonn ta’ xogħol kbir sabiex ikunu mmoderniżżati jew estiżi  biex ikunu jistgħu jilqgħu l-bżonnijiet tal-isportivi lokali.

Il-Kap Eżekuttiv ta’ SportMalta, Mark Cutajar elenka n-numru ta’ progetti li ser isiru fl-2016.   Uħud minn dawn il-proġetti ser jsiru fil-Kumplessi filwaqt li oħrajn huma estensjoni tal-kumplessi eżistenti.  Minbarra hekk hemm 7 proġetti oħra li jmorru lill hemm mill-faċilitajiet ta’ SportMalta.  Dawn huma;

• jogging track f’Ta Qali u f’Santa Luċija,
• bdil tal-court tal-Basketball tas-Siġġiewi (Fażi 1),
• Shooting range f’Għawdex,
• kumpless tal-Judo f’Pembroke,
• manutenzjoni fil-padiljun tal-Basketball f’Ta Qali,
• Kumpless sportiv f’Santa Venera.

Fil-kumpless tal-Pixxina Nazzjonali tal-Qroqq ser isir

• Bdil tad-deck
• fire alarm fil-plantroom,
• manutenzjoni tal-boiler
• Bdil ta’ dawl u pompi fil-Plantroom
• Changing rooms ġodda (West & East Block)
• Hand Rails tal-istands ġodda
• Grey Water Project
• Kanċell fl-East Block C/Park
• Reception Area Upgrade
• Kmamar oħra attrezzati għall-programmi ta’ SportMalta
• Manutenzjoni tal-Isquash Courts
• VRF System Extention
• Manutenzjoni tas-Sistema CCTV
• Uffiċji ġodda għan-NADO
• Tmien Starting Blocks Ġodda
• Fannijiet fl-isquash courts
• Kamra ġdida għat-timijiet Nazzjonali tal-Għawm

Fil-Kumpless Sportiv tal-Kottonera se:

• Tinbidel l-art tal-main hall u boċċi dromo
• Issir estensjoni tal-Kumpless
• Isiru swali attrezzati għall-konferenzi
• Upgrade tas-sistema tas-sound
• Cottonera VRF System

Fil-Kumpless Sportiv tal-Marsa ser isir:

• Fence madwar il-pitches
• Warm up Track ġdid għall-atletika
• Dug outs għas-Softball u Baseball

Fil-Kumpless Sportiv ta’ Ħal Kirkop ser isir:

• Xogħol fuq il-pixxina
• Manutenzjoni tac-Changing rooms

Fil-University Sports Hall ser isir:

• Bdil tad-dawl fis-sala tal-isports fl-Universita’
• Ser jinbidel il-boiler

Iċ-Ċermen ta’ SportMalta Luciano Busuttil,  rringrazzja lil Gvern talli emmen fil-ħidma li qed tagħmel l-entita’ hekk kif fl-aħħar sentejn u nofs intwera biċ-ċar kemm l-impenn tal-amministrazzjoni qed isarraf fi frott.  Huwa spjega ukoll kif l-entita’ mhix qed tieħu ħsieb biss il-faċilitajiet u l-iskemi sabiex taqdi aktar l-isportivi Maltin imma xeddet libsa ġdida bl-isem ġdid ta’ SportMalta.  Huwa saħaq li dan mhuwiex biss bdil kosmetiku iżda huwa rappreżentazzjoni ta’ dan l-impenn u l-investiment fil-qasam sportiv.  Huwa aċċenna għall-website l-ġdida tal-entita’ li hija user friendly biex kulħadd ikolli aċċess għall-informazzjoni.