Waqt konferenza tal-aħbarijiet fil-Malta National Shooting Ranges f’Ta’ Kandja, SportMalta u l-Malta Shooting Sport Federation (MSSF) iffirmaw ftehim fejn il-federazzjoni se tibda tuża u topera mix-Shooting Ranges Nazzjonali f’Ta’ Kandja.

B’dan il-ftehim l-MSSF se tibda tirċievi assistenza finanzjarja ta’ €40,000 fis-sena mingħand SportMalta kif ukoll rati ssussidjati meta jorganizzaw kompetizzjonijiet bl-għan ewlieni jkun għal aktar sostennibilità u b’hekk tkun tista’ timmassimizza l-użu tal-faċilitajiet. Permezz ta’ dan il-ftehim, it-team nazzjonali ta’ tiraturi se jiġu mogħtija allokazzjoni ta’ €5,000 kull sena għat-taħriġ.

Waqt l-intervent tiegħu, is-Segretarju Parlamentari Clifton Grima qal li dan huwa ftehim importanti ħafna li permezz tiegħu se nkunu qed nagħtu stabilità għal federezzjoni li se twassal għal ħidma ta’ binarji differenti li tkun tista’ tkabbar dan l-isport u tikseb riżultati aħjar minn dawk li diġà nkisbu fuq livell internazzjonali. Dr Grima fisser, “li din l-istabilità hija mibnija fuq tliet pilastri ewlenin, l-ewwel li qed jiġu assistiti l-atleti li jirrapreżentaw lill-pajjiżna fuq livell internazzjonali b’mod dirett u li dawn se jkunu jistgħu jagħmlu użu minn din il-faċilità mingħajr tip jew ieħor ta’ ħlas. It-tieni, li filwaqt li l-federazzjoni se tkun qiegħda żżomm l-faċilitajiet diġà eżistenti, se tkun qed tuża dan is-sit kif ukoll ingħata l-inċentiv biex il-federeazzjoni tattira kompetizzjonijiet internazzjonali lejn dan il-kumpless sportiv.”

Is-Segretarju Parlamentari temm jgħid li b’mod ħolistiku dan il-ftehim se jkun qed ikompli jagħti spinta lil dan l-isport tal-isparar, atleti qed jiġu assistiti b’mod individwali kif ukoll mezz ta’ kif inkattru u nġibu aktar turiżmu sportiv lejn pajjiżna.

Il-Kap Eżekuttiv ta’ SportMalta Mark Cutajar saħaq li dan il-ftehim hu ta’ vantaġġ mhux biss għall-istess federazzjoni iżda anke għat-tiraturi. Issa l-federazzjoni se jkollha is-serħan tal-moħħ finanzjarju sabiex tiffoka prinċiparjament biex twassal atleti f’kull dixxiplina biex jilħqu l-aqwa riżultati possibli.

Il-President tal-MSSF Pierre Montebello saħaq li, “dan l-ftehim se jipprovdi qafas għar-relazzjoni futura tal-MSSF ma’ SportMaltali jinkludu linji gwida għal kif se nkunu qed naħdmu u kif se tiżviluppa r-relazzjoni ta’ bejn iż-żewġ entitajiet. Illum aħna ffaċċjati b’realtajiet ġodda u dawn irridu nkunu ppreparati għalihom. Għaldaqstant, l-għan aħħari ta’ dan l-ftehim huwa li jsaħħaħ kemm lilfederazzjoni kif ukoll l-isport tal-isparar in ġenerali u fuq kollox jiggarantixxi futur għall-isport tagħna. B’dan l-ftehim se nkunu nistghu nħarsu ’l quddiem, b’ċertu serħan tal-moħħ fejn jidħol l-operat tagħna fil-futur bħala federazzjoni u fl-istess ħin issa nkunu nistgħu niffukaw iktar fuq l-isport tant għażiż għalina.”

Għal sena oħra Malta se tingħaqad ma’ bosta pajjiżi oħra minn madwar l-Ewropa biex bejn it-23 u t-30 ta’ Settembru torganiżża il-Ġimgħa Ewropea tal-Isport. Dik ta’ din is-sena se tkun waħda speċjali hekk kif ħa tkun il-ħames edizzjoni.

Dan l-avveniment huwa fuq inizjattiva tal-Kummissjoni Ewropea u f’kull pajjiż partiċipant jiġi mtella’mill-organiżazzjonijiet sportivi nazzjonali. F’pajjiżna, SportMalta huwa l-koordinatur nazzjonali ta’ din il-ġimgħa sportiva u fl-okkazjoni tal-ħames edizzjoni qed jitħejja programm vast u intensiv t’attivitajiet sportivi li se jilħaq il-gosti ta’ kulħadd.

Il-Ġimgħa Ewropea tal-Isport hija waħda mill-għodod li l-Kummissjoni Ewropea ikkreat biex tgħin fil-ġlieda favur l-attività fiżika. L-għan ta’ din il-gimgħa hu li kemm jista’ jkun ċittadini Ewropej jintlaħqu mill-messaġġ #BeActive u jiġu ispirati biex l-attività fiżika, sempliċi kemm hi sempliċi, issir parti minn ħajjithom.

Ta’ kull sena miljuni ta’ ċittadini ewropej jingħaqdu flimkien f’dik li hija meqjusa bħala l-akbar inizjattiva sportiva fl-Ewropa. L-edizzjoni ta’ din is-sena se tkun  l-ikbar waħda qatt organiżżata b’41 pajjiż parteċipant. Avveniment miftuħ għal kulħadd indipendentement mill-eta’, livell soċjali jew fiżiku.

Malta ħa tieħu sehem b’numru sabiħ ta’ attivitajiet organiżżati kemm minn SportMalta kif ukoll minn organiżazzjonijiet oħra mill-qasam tal-isport, l-edukazzjoni, ċentri tal-fitness u anke postijiet tax-xogħol.

Kif inhi tradizzjoni, f’Malta, din il-Ġimgħa Ewropea tal-Isport tagħlaq uffiċjalment Summer on the Move li għal sena oħra attira numru sabiħ ta’ parteċipanti. Apparti l-għadd kbir ta’ attivitajiet organizzati minn assoċjazzjonijiet u organizazzjonijiet lokali, jispikkaw dawk prinċipali imtella’  minn SportMalta. Fis-6 ta’ Settembru se tigi organizzata attivita’ fil-Pixxina Nazzjonali tal-Qroqq, fejn il-logħob tal-ilma se jkun protagonist.

Se jiġu organizzati wkoll zewġ avvenimenti filgħaxija. L-ewwel wieħed se jsir fl-20 ta’ Settembru fiż-Żejtun filwaqt li fit-28 ta’ Settembru se tiġi organiżżata il-#BeActive Night fil-Kumpless Sportiv ta’ Kirkop b’bosta attivitajiet sportivi għall-familja kollha.

Hemm ukoll il-#BeActive Awards bil-għan li jirrikonoxxu u jippremjaw dawk l-inizjattivi u individwi li jkunu għenu sabiex jippromwovu l-isport u l-attivita’ fiżika madwar l-Ewropa. It-tlett rikonoxximenti huma għall-aħjar inizjattiva fil-qasam edukattiv, fuq il-post tax-xogħol u anke għal dik il-persuna li tkun spikkat fil-ħidma tagħha favur l-isport. Ir-rebbieħ jigi ippremjat fit-18 ta’ Ottubru f’Budapest l-Ungerija, li għal din is-sena intagħżlet bħala l-belt kapitali ewropea tal-isport.

Il-kap eżekuttiv ta’ SportMalta Mark Cutajar qal “li ninsabu entużjasti sabiex għal sena oħra din il-Ġimgħa Ewropea tal-Isport tkun suċċess mhux biss għall-ammont ta’ attivitajiet organizzati iżda wkoll għall-parteċipazzjoni mill-pubbliku.

L-għan prinċipali jibqa’ dejjem li nipromwovu l-isport u l-attività fiżika bil-għan li ntejbu l-kwalità tal-ħajja tagħna. Attivita’ fiżika li  għandha tkun kontinwa matul ħajjitna, li tibda mit-tfulija u tibqa’ għaddejja anke meta nikbru fl-eta’. Għal sena ohra rridu nwasslu l-messaġġ li l-isport isaħħaħ mhux biss l-aspett fiżiku tal-individwu iżda wkoll is-saħħa mentali”.

The #BeInclusive EU Sport Awards invites all organisations in Europe– public or private, commercial or not-for-profit – that have successfully developed sport projects aimed at social inclusion to enter their initiatives. Projects will be evaluated according to their contribution to social inclusion through sport.

Winning projects will be showcased to inspire other organisations and individuals around Europe – but sharing a project can earn much more than well-deserved recognition:

The winning projects will also be awarded €10,000!

The 3 winners will be announced in November at a special awards ceremony in Brussels. They will also have the opportunity to present their projects to an audience of sport inclusion experts and receive their €10,000 awards. Six pre-selected projects will each receive €2,500.

More Info CLICK HERE

The #BeActive Awards competition is a central element of the 2019 European Week of Sport. As you all know, its objective is to praise support projects and individuals dedicated to the promotion of sport and physical activity across Europe. Building on the successes of 2017 and 2018, the #BeActive Awards will be handed-over by the Commissioner in Budapest (2019 European Capital of Sport) in the framework of a dinner reception in the evening of 18 October 2019.

The three #BeActive award categories are the same as last year:

• the #BeActive Education Award
• the #BeActive Workplace Award
• the #BeActive Local Hero Award

Applications for each of these categories are to be submitted to the European Commission by National Coordinating Bodies or Partners of the European Week of Sport in the period between 1 July 2019 / 2 August 2019.

Please read carefully the attached information about the contest, the terms and conditions and the entry forms.

BeActive Awards 2019 About

BeActive Awards 2019 Terms and Conditions

#BeActive Local Hero Award 2019

#BeActive Education Award 2019

#BeActive Workplace Award 2019

Diversi temi relatati mal-isport ġew diskussi waqt konferenza ta’ jumejn bit-titlu ‘L-iSport u l-Unjoni Ewropea’ li tlaqqgħet fil-campus tal-Universita’ l-antika l-belt Valletta Malta bejn is-27 u t-28 ta’ Ġunju.

Dik f’Malta kienet l-erbatax –il edizzjoni ta’ din il-konferenza imtella’ mill-assoċjazzjoni għall-istudji dwar l-isport u l-Unjoni Ewropea u li nġibet f’pajjizna għall-ewwel darba bl-inizjattiva tal-assoċjazzjoni maltija tal-avukati u Sport Malta.

Aktar minn tmenin delegat, atleti u rappreżentanti tal-klabbs barranin ħadu sehem fil-konferenza.

Matul dawn il-jumejn saru diskorsi u diskussjonijiet li missew aspetti differenti dwar l-isport fil-pajjiżi ewropej.

Konferenza li infetħet b’diskorsi mis-segretarju parlamentari għaz-żagħżagħ, sports u organiżazzjonijiet volontarji Clifton Grima, il-kap ezekuttiv ta’ Sport Malta Mark Cutajar u mill-president tal-assoċjazzjoni tal-avukati tal-isports Robert Dingli.

Fost temi li spikkaw kien hemm dik dwar it-trasferimenti ta’ minuri. Il-kelliema ewlenija kienet Alejandra Salmeron, konsulent legali tal-FIFA li ttrattat dan is-suġġett fl-isfond tal-artiklu 19 tal-istatut tal-FIFA dwar trasferimnent ta’ plejers minuri. Hareġ ċar kif qed jizdied ix-xenarju fejn bil-wegħda ta’ kuntratt professjonali bosta atleti zgħar qed jitilfu snin importanti minn ħajjithom. Alejandra Salmeron semmiet kemm huwa importanti li lil dawn l-atleti nagħtuhom l-għodda kollha biex jizviluppaw b’mod sħiħ u mhux jingħataw wegħdi li ma jistgħux iseħħu. Bżonn li inwasslu l-vuċi tagħhom sabiex nipproteġuhom.

Il-kap eżekuttiv ta’ Sport Malta Mark Cutajar mexxa d-diskussjoni dwar il-governanza sportiva. Diskussjoni li fiha ħadu sehem ukoll Sabine Rusmane u Prof Angela Busaca li qassmu l-esperjenzi u l-ħidma li qed issir f’dan il-qasam fil-pajjizi rispettivi tagħhom, il-Latvja u l-Italja.

Temi oħra diskussi kienu ż-żagħżagħ u l-isport, l-importanza ta’ ħajja attiva u b’saħħitha u t-tagħlim tal-edukazzjoni fiżika fl-iskejjel tagħna.

Ġie diskuss ukoll il-professjonaliżmu fl-isports, il-preparazzjoni ta’ atleti li jkunu għaddejjin bl-istudju tagħhom flimkien mal-ostakli u l-problem li bosta atleti jiltaqgħu magħhom f’dak li għandu x’jaqsam mal-iżvilupp ta’ sportivi ‘elite’.

Suġġett ieħor importanti kien dwar l-integrita’ fl-isports. Hawnhekk issemmiet l-isfida li l-isport qed jiffaċja minħabba l-imhatri u anke d-doping.

Ġew diskussi wkoll id- drittijiet tal-plejers u atleti minn aspett legali. Issemm’a d-dritt ta’ smiegħ ġust u xieraq f’każijiet ta’ dixxipina.

Temi oħra fil-konferenza f’Malta kienu l-ugwaljanza fl-isport, il-finanzjament tal-organiżazzjoniiet sportivi flimkien mal-policy ewropea dwar l-isport u Erasmus+.

Vaganzi, baħar, għawm, festi, ikel, xorb, sħana u mistrieħ.  Is-sajf malti huwa marbut ma’ diversi attivitajiet rikrejattivi, iżda apparti xi qabża fil-baħar biex niffriskaw, ftit ikollna aptit inkunu attivi fiżikament.  It-tentazzjoni li nkunu sedentarji hija kbira u allura wieħed irid isib motivazzjoni biex ikun attiv.

Summer on the Move joffri opportunita biex tfal u adulti jiehdu sehem f’attivitajiet sportivi tul is-sajf.  Minbarra l-għażla kbira ta’ sport, ġranet, ħinijiet u postijiet offruti, il-programm Summer on the Move joffri attivitajiet għal-diversi etajiet fl-istess ħin.  Dan jagħmilha possibbli biex familji jieħdu sehem flimkien.

Il-programm joffri minimu ta’ sagħtenjn fil-ġimgħa sa sitt siegħat kuljum.  Din is-sena, iktar minn 7000 parteċipant se jkun attiv permezz ta’ Summer on the Move.

Sport Malta qed tissokta b’diversi proġetti ta’ tisbiħ u rranġar ta’ siti pubbliċi użati għall-attivita’ fiżika. Sa issa ġew identifikati sitt siti u x-xogħol fuqhom diġa beda.

Fost dawn is-siti hemm il-Laboratorju tal-Paċi f’Ħal Far.

F’dan il-post ġie żviluppat il-ġinnasju ta’ barra bil-għan li jkun jista’ jiġi użat mir-residenti tal-post għall-attivita’ fiżika.

Ġew imwaħħla sitt apparati sportivi b’mod fiss u sigur.

Dan l-apparat jinkludi: bike, rower, chin up, walker,  hand cycler u  stepper.

Xogħol ieħor se jsir fil-ġnien pubbliku ta’ San Ġwann Ta’ Żwejt.   Hawnhekk se jiġi irranġat pitch żgħir u mibdul f’post li fih ikunu jistgħu jigu ipprattikati bosta dixxipini sportivi differenti, fosthom il-Futsal u l-Basketball. Se jigu miżbugħa s-sinjali, se ssir fence ġdida, lasti ġodda u erba’ Basketball boards.

Hawnhekk ukoll se jiġi installat apparat għall-ġinnasju ta’ barra.

L-apparat jinkludi bike, rower u multipurpose gym

B’kollaborazzjoni mall-klabb tal-Basketball ta’ Hibernians , Sport Malta se tirranġa l-Basketball Court li jinsab wara l-faċilita’ korrettiva ta’ Kordin. Ix-xogħol jikkonsisiti f’tindif tal-art, markar ta’ sinjali, żewġ basketball boards ġodda u anke fencing ġdid.

Xogħol ieħor għaddej fil-bandli ta’ Hal Qormi. F’dan is-sit ġie irrangat l-apparat tal-ġinnasju ta’ barra, apparat li partijiet minnu kien safa’ ivvandaliżżat. Sar ukoll fencing ġdid. Xogħol li mistenni jitlesta f’nofs Lulju.

Total ta’ 400 student  mis-sitt sena ta’ bosta skejjel primarji ħadu sehem f’attivitajiet ta’ sport akwatiku f’Birżebbuġa. Avveniment li sar għat-tielet sena konsekuttiva u li kien organiżżat mis-sezzjoni tal-edukazzjoni fiżika fi ħdan id-dipartiment tal-edukazzjoni bil-kollaborazzjoni ta’ Sport Malta u l-Birzebbuga Aquatic & Sports Club.

Inizjattiva li bdiet tlett snin ilu bħala pjan ta’ ħidma mill-iskola primarja ta’ Birżebbuġa bil-għan li taħdem flimkien mal-klabbs tal-komunita’.

Din is-sena l-avveniment kiber sew tant li fih ipparteċipaw disa’ skejjel differenti. L-iskejjel parteċipanti kienu dawk ta’ Birżebbuġa, il-Qrendi, Hal Safi, l-Mqabba, Hal Għaxaq, il-Gudja u ż-Żurrieq mill-kulleġġ San Benedittu flimkien ma’ dawk ta’ Hal Luqa u ż-Żejtun minn kulleġġi oħra.

Din is-sena apparti l-għalliem tal-edukazzjoni fiżika tal-iskola primarja ta’ Birżebbuga ħadu sehem ukoll għalliema ta’ skejjel oħra grazzi għall-kollaborazzjoni tas-sezzjoni tal-għalliema tal-edukazzjoni fiżika fi ħdan id-dipartiment tal-edukazzjoni. Din is-sezzjoni offriet is-servizz ta’ numru sabiħ ta’ għalliema bħala parti mill-programm Active Fridays u dan għen sabiex l-avvenimet kiber.

Minn mindu fetaħ il-bibien tiegħu il-Birzebbuga Aquatic & Sports Club mill-ewwel ikkollabora f’din l-jnizjattiva. Il-klabb offra l-użu tal-pixxina u l-esperjenza tal-coaches tiegħu.

Huma għenu sabiex għall-istudenti parteċipanti, din l-attivita’ isservi bħala esperjenza ta’ divertiment kif ukoll ta’ tagħlim.

Ċertu skejjel kellhom aktar minn sezzjoni waħda ta’ taħriġ sabiex jagħtu lit-tfal aktar opportunita’ ta’ tagħlim.

Sadattant il-klabb kien qed jinkoraġġixxi lil dawk l-istudenti li wrew potenzjal sabiex jibdew jitħarrġu fl-għawm u l-Waterpolo b’mod regolari.

Matul is-sena skolastika li ghadha kemm spiccat, bhal ma sar fis-snin precedenti, studenti li jattendu skejjel Primarji u Sekondarji ta’ l-Istat, Knisja u Indipendenti kellhom l-opportunita sabiex jesperjenzaw u jitthargu fl-isport akwatiku, principalment fl-ghawm u l-waterpolo gewwa l-pixxina tal-Qroqq.

Il-programmi ta’ l-ghawm u l-waterpolo ghall-iskejjel organizzati u kkordinati mill-iSport Promotion Unit (SPU) fi hdan SportMalta, ghandhom l-ghan li jheggu lil tfal u zaghzagh sabiex ikunu fizikament attivi kif ukoll li jhajjru aktar studenti sabiex jibdew jipprattikaw sport akwatiku.   It-tahrig isir taht il-gwida ta coaches kwalifikati li b’dedikazzjoni u professjonalita jwasslu lil istudenti sabiex jakkwistaw il-hiliet fizici necessarji fil-ghawm kif ukoll jizviluppaw it-talenti akwatici taghhom.  L-SPU hija kommessa li tikkontribwixxi sabiex jintlahqu l-miri identifikati mill-Istrategija Nazzjonali dwar l-iSport. Ghal dan il-ghan, f’kollaborazzjoni ma l-ASA, l-SPU zviluppat  programmi fejn tfal li jeccellaw jew li ghandhom potenzjal li javvanzaw fil-ghawm u l-waterpolo, jigu identifikati minn eta zghira u gwidati sabiex ikomplu jitharrgu u jizviluppaw it-talenti taghhom.

Sena wara l-ohra, il-programmi ta’ l-ghawm u l-waterpolo ghall-iskejjel qedin dejjem jizdiedu fil-popolarita.  Din is-sena skolastika rat numru record ta partecipanti fil-programmi ta’ l-ghawm, fejn xejn inqas minn 15,000 student u studenta li jattendu skejjel mis-setturi kollha edukattivi.  Barra minn hekk, l-istudenti li hadu sehem fis-sessjonijiet ta’l-ghawm, kellhom l-opportunita li juru l-hiliet li akkwistaw tul is-snin billi hadu sehem fl-InterSchool Swimming Competitions.

Programm iehor zviluppat u kkordinat mill-SPU, hu dak tal-WaterPolo, li dejjem qed izid fil-popolarita tieghu.  Wara ghad ta sessjonijiet ta tahrig, 12 –il skola minn skejjel ta’ l-Istat, Knisja u Ndipendenti hadu sehem fil-InterSchool Waterpolo Tournament.  Dawn huma:  St Albert the Great, Archbishop’s Seminary, Mosta Secondary School, National Sports School, Gozo Secondary School, De La Salle College, Zokrija Maria Regina College, St Lucia Secondary, St Martin’s College, St Edward’s College, San Andrea u St Michael Foundation.  Matul il-programm kif ukoll waqt il-kompetizzjonijiet, kien hemm kollaborazzjoni bejn l-SPU kif ukoll il-coaches nazzjonali Karl Izzo u Anthony Farrugia sabiex studenti li jippromettu f’din id-dixxiplina sportiva jigu gwidati gewwa l-clubs.

Waqt konferenza tal-aħbarijiet fl-inħawi Ta’ Żwejt fil-lokalità ta’ San Ġwann, is-Segretarju Parlamentari għaż-Żgħażagħ, Sport u Għaqdiet tal-Volontarjat Clifton Grima ħabbar proġett b’investiment ta’ €600,000 mifrux fuq sentejn għal siti varji li jinvolvi spazji miftuħa fil-qasam sportiv madwar Malta u Għawdex.

Il-proġetti u l-lokalitajiet identifikati sa issa huma fil-lokalità ta’ Ħal Far fil-laboratorju tal-paċi fejn se jiġi żviluppat outdoor gym; se jiġi żviluppat outdoor gym f’Ta’ Żwejt, fil-lokalità ta’ San Ġwann; se jiġu rinovati l-playing field u l-pitch fi Triq Falaise fil-lokalità ta’ Pembroke; u se ssir manutenzjoni fil-faċilità tad-diżabilità li tinkludi basketball court wara l-Faċilità Korretiva ta’ Kordin fil-lokalità ta’ Raħal Ġdid.

Parliamentary Secretary for Youth, Sport and Voluntary Organisations Clifton Grima announces new open door sport facilities

Fid-diskors tiegħu, is-Segretarju Parlamentari Clifton Grima saħaq li b’dan l-investiment bosta familji se jgawdu minn spazji miftuħa fil-lokalitajiet tagħhom li jinkludu wkoll manutenżjoni ta’ pitches. Clifton Grima rringrazzja lil Sport Malta tax-xogħol siewi tagħha f’dan il-proġett fejn tinsab għaddejja bl-assessjar ta’ siti differenti madwar Malta u Għawdex biex jiġu trasformati għal faċilitajiet sportivi li se jservu ta’ rikreazzjoni għall-familja kollha.

Is-Segretarju Parlamentari Clifton Grima spjega li dawn l-spazji pubbliċi f’bosta lokalitajiet se jkunu ta’ opportunità biex wieħed jirrikorri aktar għal attività fiżika. Dawn il-faċilitajiet se jiġu mibnija mill-ġdid jew rinovati bil-potenzjal tagħhom li jgħaqqdu l-komunitajiet aktar flimkien fejn hemm lok ta’ aktar interazzjoni soċjali”, żied jgħid Clifton Grima.

Parliamentary Secretary for Youth, Sport and Voluntary Organisations Clifton Grima announces new open door sport facilities

Il-Kap Eżekuttiv ta’ Sport Malta Mark Cutajar saħaq dwar l-importanza li għandhom l-isport u l-attività fiżika sabiex wieħed jgħix ħajja sana. Għal dan il-għan faċilitajiet sportivi ta’ kwalità huma ta’ ħtieġa fundamentali għax joffru lok adattat u sigur fejn wieħed jista’ jkollu esperjenza sportiva pożittiva. Faċilitajiet ta’ dan it-tip, iservu wkoll ta’ ċentri għall-komunità fejn issir interazzjoni soċjali f’ambjent san. Ir-rinovar u l-kreazzjoni ta’ dawn il-faċilitajiet esterni jassiguraw il-protezzjoni ta’ spazji pubbliċi li huma aċċessibli għal kull min jixtieq jagħmel sport jew attività fiżika f’post a dattat. Huwa fil-ħsieb ta’ Sport Malta li jinvesti f’outdoor gyms, parks għall-familja, jogging tracksu walking trails filwaqt li jieħu miżuri favur l-ambjent.