Diversi temi relatati mal-isport ġew diskussi waqt konferenza ta’ jumejn bit-titlu ‘L-iSport u l-Unjoni Ewropea’ li tlaqqgħet fil-campus tal-Universita’ l-antika l-belt Valletta Malta bejn is-27 u t-28 ta’ Ġunju.

Dik f’Malta kienet l-erbatax –il edizzjoni ta’ din il-konferenza imtella’ mill-assoċjazzjoni għall-istudji dwar l-isport u l-Unjoni Ewropea u li nġibet f’pajjizna għall-ewwel darba bl-inizjattiva tal-assoċjazzjoni maltija tal-avukati u Sport Malta.

Aktar minn tmenin delegat, atleti u rappreżentanti tal-klabbs barranin ħadu sehem fil-konferenza.

Matul dawn il-jumejn saru diskorsi u diskussjonijiet li missew aspetti differenti dwar l-isport fil-pajjiżi ewropej.

Konferenza li infetħet b’diskorsi mis-segretarju parlamentari għaz-żagħżagħ, sports u organiżazzjonijiet volontarji Clifton Grima, il-kap ezekuttiv ta’ Sport Malta Mark Cutajar u mill-president tal-assoċjazzjoni tal-avukati tal-isports Robert Dingli.

Fost temi li spikkaw kien hemm dik dwar it-trasferimenti ta’ minuri. Il-kelliema ewlenija kienet Alejandra Salmeron, konsulent legali tal-FIFA li ttrattat dan is-suġġett fl-isfond tal-artiklu 19 tal-istatut tal-FIFA dwar trasferimnent ta’ plejers minuri. Hareġ ċar kif qed jizdied ix-xenarju fejn bil-wegħda ta’ kuntratt professjonali bosta atleti zgħar qed jitilfu snin importanti minn ħajjithom. Alejandra Salmeron semmiet kemm huwa importanti li lil dawn l-atleti nagħtuhom l-għodda kollha biex jizviluppaw b’mod sħiħ u mhux jingħataw wegħdi li ma jistgħux iseħħu. Bżonn li inwasslu l-vuċi tagħhom sabiex nipproteġuhom.

Il-kap eżekuttiv ta’ Sport Malta Mark Cutajar mexxa d-diskussjoni dwar il-governanza sportiva. Diskussjoni li fiha ħadu sehem ukoll Sabine Rusmane u Prof Angela Busaca li qassmu l-esperjenzi u l-ħidma li qed issir f’dan il-qasam fil-pajjizi rispettivi tagħhom, il-Latvja u l-Italja.

Temi oħra diskussi kienu ż-żagħżagħ u l-isport, l-importanza ta’ ħajja attiva u b’saħħitha u t-tagħlim tal-edukazzjoni fiżika fl-iskejjel tagħna.

Ġie diskuss ukoll il-professjonaliżmu fl-isports, il-preparazzjoni ta’ atleti li jkunu għaddejjin bl-istudju tagħhom flimkien mal-ostakli u l-problem li bosta atleti jiltaqgħu magħhom f’dak li għandu x’jaqsam mal-iżvilupp ta’ sportivi ‘elite’.

Suġġett ieħor importanti kien dwar l-integrita’ fl-isports. Hawnhekk issemmiet l-isfida li l-isport qed jiffaċja minħabba l-imhatri u anke d-doping.

Ġew diskussi wkoll id- drittijiet tal-plejers u atleti minn aspett legali. Issemm’a d-dritt ta’ smiegħ ġust u xieraq f’każijiet ta’ dixxipina.

Temi oħra fil-konferenza f’Malta kienu l-ugwaljanza fl-isport, il-finanzjament tal-organiżazzjoniiet sportivi flimkien mal-policy ewropea dwar l-isport u Erasmus+.

Vaganzi, baħar, għawm, festi, ikel, xorb, sħana u mistrieħ.  Is-sajf malti huwa marbut ma’ diversi attivitajiet rikrejattivi, iżda apparti xi qabża fil-baħar biex niffriskaw, ftit ikollna aptit inkunu attivi fiżikament.  It-tentazzjoni li nkunu sedentarji hija kbira u allura wieħed irid isib motivazzjoni biex ikun attiv.

Summer on the Move joffri opportunita biex tfal u adulti jiehdu sehem f’attivitajiet sportivi tul is-sajf.  Minbarra l-għażla kbira ta’ sport, ġranet, ħinijiet u postijiet offruti, il-programm Summer on the Move joffri attivitajiet għal-diversi etajiet fl-istess ħin.  Dan jagħmilha possibbli biex familji jieħdu sehem flimkien.

Il-programm joffri minimu ta’ sagħtenjn fil-ġimgħa sa sitt siegħat kuljum.  Din is-sena, iktar minn 7000 parteċipant se jkun attiv permezz ta’ Summer on the Move.

Sport Malta qed tissokta b’diversi proġetti ta’ tisbiħ u rranġar ta’ siti pubbliċi użati għall-attivita’ fiżika. Sa issa ġew identifikati sitt siti u x-xogħol fuqhom diġa beda.

Fost dawn is-siti hemm il-Laboratorju tal-Paċi f’Ħal Far.

F’dan il-post ġie żviluppat il-ġinnasju ta’ barra bil-għan li jkun jista’ jiġi użat mir-residenti tal-post għall-attivita’ fiżika.

Ġew imwaħħla sitt apparati sportivi b’mod fiss u sigur.

Dan l-apparat jinkludi: bike, rower, chin up, walker,  hand cycler u  stepper.

Xogħol ieħor se jsir fil-ġnien pubbliku ta’ San Ġwann Ta’ Żwejt.   Hawnhekk se jiġi irranġat pitch żgħir u mibdul f’post li fih ikunu jistgħu jigu ipprattikati bosta dixxipini sportivi differenti, fosthom il-Futsal u l-Basketball. Se jigu miżbugħa s-sinjali, se ssir fence ġdida, lasti ġodda u erba’ Basketball boards.

Hawnhekk ukoll se jiġi installat apparat għall-ġinnasju ta’ barra.

L-apparat jinkludi bike, rower u multipurpose gym

B’kollaborazzjoni mall-klabb tal-Basketball ta’ Hibernians , Sport Malta se tirranġa l-Basketball Court li jinsab wara l-faċilita’ korrettiva ta’ Kordin. Ix-xogħol jikkonsisiti f’tindif tal-art, markar ta’ sinjali, żewġ basketball boards ġodda u anke fencing ġdid.

Xogħol ieħor għaddej fil-bandli ta’ Hal Qormi. F’dan is-sit ġie irrangat l-apparat tal-ġinnasju ta’ barra, apparat li partijiet minnu kien safa’ ivvandaliżżat. Sar ukoll fencing ġdid. Xogħol li mistenni jitlesta f’nofs Lulju.

Total ta’ 400 student  mis-sitt sena ta’ bosta skejjel primarji ħadu sehem f’attivitajiet ta’ sport akwatiku f’Birżebbuġa. Avveniment li sar għat-tielet sena konsekuttiva u li kien organiżżat mis-sezzjoni tal-edukazzjoni fiżika fi ħdan id-dipartiment tal-edukazzjoni bil-kollaborazzjoni ta’ Sport Malta u l-Birzebbuga Aquatic & Sports Club.

Inizjattiva li bdiet tlett snin ilu bħala pjan ta’ ħidma mill-iskola primarja ta’ Birżebbuġa bil-għan li taħdem flimkien mal-klabbs tal-komunita’.

Din is-sena l-avveniment kiber sew tant li fih ipparteċipaw disa’ skejjel differenti. L-iskejjel parteċipanti kienu dawk ta’ Birżebbuġa, il-Qrendi, Hal Safi, l-Mqabba, Hal Għaxaq, il-Gudja u ż-Żurrieq mill-kulleġġ San Benedittu flimkien ma’ dawk ta’ Hal Luqa u ż-Żejtun minn kulleġġi oħra.

Din is-sena apparti l-għalliem tal-edukazzjoni fiżika tal-iskola primarja ta’ Birżebbuga ħadu sehem ukoll għalliema ta’ skejjel oħra grazzi għall-kollaborazzjoni tas-sezzjoni tal-għalliema tal-edukazzjoni fiżika fi ħdan id-dipartiment tal-edukazzjoni. Din is-sezzjoni offriet is-servizz ta’ numru sabiħ ta’ għalliema bħala parti mill-programm Active Fridays u dan għen sabiex l-avvenimet kiber.

Minn mindu fetaħ il-bibien tiegħu il-Birzebbuga Aquatic & Sports Club mill-ewwel ikkollabora f’din l-jnizjattiva. Il-klabb offra l-użu tal-pixxina u l-esperjenza tal-coaches tiegħu.

Huma għenu sabiex għall-istudenti parteċipanti, din l-attivita’ isservi bħala esperjenza ta’ divertiment kif ukoll ta’ tagħlim.

Ċertu skejjel kellhom aktar minn sezzjoni waħda ta’ taħriġ sabiex jagħtu lit-tfal aktar opportunita’ ta’ tagħlim.

Sadattant il-klabb kien qed jinkoraġġixxi lil dawk l-istudenti li wrew potenzjal sabiex jibdew jitħarrġu fl-għawm u l-Waterpolo b’mod regolari.

Matul is-sena skolastika li ghadha kemm spiccat, bhal ma sar fis-snin precedenti, studenti li jattendu skejjel Primarji u Sekondarji ta’ l-Istat, Knisja u Indipendenti kellhom l-opportunita sabiex jesperjenzaw u jitthargu fl-isport akwatiku, principalment fl-ghawm u l-waterpolo gewwa l-pixxina tal-Qroqq.

Il-programmi ta’ l-ghawm u l-waterpolo ghall-iskejjel organizzati u kkordinati mill-iSport Promotion Unit (SPU) fi hdan SportMalta, ghandhom l-ghan li jheggu lil tfal u zaghzagh sabiex ikunu fizikament attivi kif ukoll li jhajjru aktar studenti sabiex jibdew jipprattikaw sport akwatiku.   It-tahrig isir taht il-gwida ta coaches kwalifikati li b’dedikazzjoni u professjonalita jwasslu lil istudenti sabiex jakkwistaw il-hiliet fizici necessarji fil-ghawm kif ukoll jizviluppaw it-talenti akwatici taghhom.  L-SPU hija kommessa li tikkontribwixxi sabiex jintlahqu l-miri identifikati mill-Istrategija Nazzjonali dwar l-iSport. Ghal dan il-ghan, f’kollaborazzjoni ma l-ASA, l-SPU zviluppat  programmi fejn tfal li jeccellaw jew li ghandhom potenzjal li javvanzaw fil-ghawm u l-waterpolo, jigu identifikati minn eta zghira u gwidati sabiex ikomplu jitharrgu u jizviluppaw it-talenti taghhom.

Sena wara l-ohra, il-programmi ta’ l-ghawm u l-waterpolo ghall-iskejjel qedin dejjem jizdiedu fil-popolarita.  Din is-sena skolastika rat numru record ta partecipanti fil-programmi ta’ l-ghawm, fejn xejn inqas minn 15,000 student u studenta li jattendu skejjel mis-setturi kollha edukattivi.  Barra minn hekk, l-istudenti li hadu sehem fis-sessjonijiet ta’l-ghawm, kellhom l-opportunita li juru l-hiliet li akkwistaw tul is-snin billi hadu sehem fl-InterSchool Swimming Competitions.

Programm iehor zviluppat u kkordinat mill-SPU, hu dak tal-WaterPolo, li dejjem qed izid fil-popolarita tieghu.  Wara ghad ta sessjonijiet ta tahrig, 12 –il skola minn skejjel ta’ l-Istat, Knisja u Ndipendenti hadu sehem fil-InterSchool Waterpolo Tournament.  Dawn huma:  St Albert the Great, Archbishop’s Seminary, Mosta Secondary School, National Sports School, Gozo Secondary School, De La Salle College, Zokrija Maria Regina College, St Lucia Secondary, St Martin’s College, St Edward’s College, San Andrea u St Michael Foundation.  Matul il-programm kif ukoll waqt il-kompetizzjonijiet, kien hemm kollaborazzjoni bejn l-SPU kif ukoll il-coaches nazzjonali Karl Izzo u Anthony Farrugia sabiex studenti li jippromettu f’din id-dixxiplina sportiva jigu gwidati gewwa l-clubs.

Waqt konferenza tal-aħbarijiet fl-inħawi Ta’ Żwejt fil-lokalità ta’ San Ġwann, is-Segretarju Parlamentari għaż-Żgħażagħ, Sport u Għaqdiet tal-Volontarjat Clifton Grima ħabbar proġett b’investiment ta’ €600,000 mifrux fuq sentejn għal siti varji li jinvolvi spazji miftuħa fil-qasam sportiv madwar Malta u Għawdex.

Il-proġetti u l-lokalitajiet identifikati sa issa huma fil-lokalità ta’ Ħal Far fil-laboratorju tal-paċi fejn se jiġi żviluppat outdoor gym; se jiġi żviluppat outdoor gym f’Ta’ Żwejt, fil-lokalità ta’ San Ġwann; se jiġu rinovati l-playing field u l-pitch fi Triq Falaise fil-lokalità ta’ Pembroke; u se ssir manutenzjoni fil-faċilità tad-diżabilità li tinkludi basketball court wara l-Faċilità Korretiva ta’ Kordin fil-lokalità ta’ Raħal Ġdid.

Parliamentary Secretary for Youth, Sport and Voluntary Organisations Clifton Grima announces new open door sport facilities

Fid-diskors tiegħu, is-Segretarju Parlamentari Clifton Grima saħaq li b’dan l-investiment bosta familji se jgawdu minn spazji miftuħa fil-lokalitajiet tagħhom li jinkludu wkoll manutenżjoni ta’ pitches. Clifton Grima rringrazzja lil Sport Malta tax-xogħol siewi tagħha f’dan il-proġett fejn tinsab għaddejja bl-assessjar ta’ siti differenti madwar Malta u Għawdex biex jiġu trasformati għal faċilitajiet sportivi li se jservu ta’ rikreazzjoni għall-familja kollha.

Is-Segretarju Parlamentari Clifton Grima spjega li dawn l-spazji pubbliċi f’bosta lokalitajiet se jkunu ta’ opportunità biex wieħed jirrikorri aktar għal attività fiżika. Dawn il-faċilitajiet se jiġu mibnija mill-ġdid jew rinovati bil-potenzjal tagħhom li jgħaqqdu l-komunitajiet aktar flimkien fejn hemm lok ta’ aktar interazzjoni soċjali”, żied jgħid Clifton Grima.

Parliamentary Secretary for Youth, Sport and Voluntary Organisations Clifton Grima announces new open door sport facilities

Il-Kap Eżekuttiv ta’ Sport Malta Mark Cutajar saħaq dwar l-importanza li għandhom l-isport u l-attività fiżika sabiex wieħed jgħix ħajja sana. Għal dan il-għan faċilitajiet sportivi ta’ kwalità huma ta’ ħtieġa fundamentali għax joffru lok adattat u sigur fejn wieħed jista’ jkollu esperjenza sportiva pożittiva. Faċilitajiet ta’ dan it-tip, iservu wkoll ta’ ċentri għall-komunità fejn issir interazzjoni soċjali f’ambjent san. Ir-rinovar u l-kreazzjoni ta’ dawn il-faċilitajiet esterni jassiguraw il-protezzjoni ta’ spazji pubbliċi li huma aċċessibli għal kull min jixtieq jagħmel sport jew attività fiżika f’post a dattat. Huwa fil-ħsieb ta’ Sport Malta li jinvesti f’outdoor gyms, parks għall-familja, jogging tracksu walking trails filwaqt li jieħu miżuri favur l-ambjent.

Il-Prim Ministru Joseph Muscat akkumpanjat mis-Segretarju Parlamentari għaż-Żgħażagħ, Sport u Għaqdiet tal-Volontarjat Clifton Grima, inawgura l-kumpless tal-football ta’ Marsaskala b’investiment ta’ €2.5 miljun. Dan il-kumpless, mifrux fuq 6,000 metru kwadru, kien tħabbar lura fl-2016 fejn qabel il-plejers ta’ Marsaskala ma kellhomx fejn jitħarrġu.

Il-Prim Ministru Joseph Muscat qal li llum hi ġurnata pożittiva għal-lokal ta’ Marsaskala u u n-naħa ta’ isfel ta’ Malta peress li l-gvern investa tant f’Marsaskala permezz ta’ żewġ proġetti sportivi li juri kemm is-surplus verament qed jasal għand in-nies u l-komunità. Dan hu mod kif qed jingħata nifs ġdid lill-klabb żagħżugħ ta’ Marsaskala FC f’lokalità fejn l-età qed tiċkien u mhux togħla. L-għan ewlieni hu li din il-faċilità tintuża bl-aħjar mod possibbli biex permezz tal-istrateġija nazzjonali għall-isport indaħħlu mentalità fit-tfal tagħna li mhux biss ikunu parteċipattivi imma rebbiħin, temm jgħid il-Prim Ministru.

“Prime Minister Joseph Muscat inaugurates the new Marsaskala Football Complex

Is-Segretarju Parlamentari għaż-Żgħażagħ, Sport u Għaqdiet tal-Volontarjat Clifton Grima qal li parti mill-Istrateġija tal-Isport tal-gvern qed tiffoka fuq it-titjib ta’ faċilitajiet tal-isport eżistenti flimkien mal-bini ta’ oħrajn ġodda li qed isseħħ bi pjan għal oqsma ta’ sport differenti. Il-gvern qed jaħdem b’mod kontinwu biex l-isport isir parti mill-ħajja tal-pubbliku ġenerali.

Dan il-gvern qed ikompli jwettaq ħolma oħra f’realtà, din id-darba fil-lokalità ta’ Marsaskala li għall-ewwel darba se tgawdi minn faċilità sportiva. Dan il-proġett hu ħolqa oħra f’katina ta’ investiment f’faċilitajiet sportivi ġodda madwar il-gżejjer Maltin bħall-proġett state-of-the art tax-Shooting Range f’Ta’ Kandja u l-pixxina indoor fil-Kottonera. L-għan ewlieni hu li l-isport ikun parti ċentrali fil-ħajja ta’ kull individwu, qal is-Segretarju Parlamentari Clifton Grima.

“Prime Minister Joseph Muscat inaugurates the new Marsaskala Football Complex

Il-Kap Ezekuttiv ta` SporMalta Mark Cutajar qal li progett bhal dan mhux biss qed jghin lil klabb izda qed jghin ukoll lin-nies kollha skallin.  Kemm l-iskejjel tal-lokal kif ukoll ghaqdiet varji ser ikunu qed jaghmlu uzu minn dan il-kumpless grazzi ghal agreement bejn SportMalta u Marsascala Football Club.

Luciano Busuttil, cermen ta` SportMalta sahhaq li l-entita tinsab komessa biex tkompli tahdem iktar ghal gid ta` l-isport.  Huwa semma li minn dawn it-tfa;l li jippratikkaw f’dawn il-facilitajiet jistghu johorgu it-talenti ta` ghada.

Il-kumpless sportiv jinkludi ground tal-ogħla livell approvat mill-FIFA u kwartieri għall-klabb tal-football kemm tal-kbar u anke tan-nursery. Il-faċilità hi mgħammra wkoll b’dressing rooms, sala tal-konferenzi, uffiċini u ristorant li jista’ jiġi kummerċjalizzat.

Din il-faċilità tinkludi wkoll ġibjun biex jinġabar l-ilma u jkun qed jitħares ukoll l-ambjent. Il-ground, anke permezz ta’ qbil bejn Marsaskala FC u SportMalta, se jkun jista’ jiġi utilizzat filgħodu mill-iskejjel tal-lokal u anke minn soċjetajiet diversi f’Marsaskala biex b’hekk ikun qed jiġi massimizzat il-potenzjal ta’ din il-faċilità.

Il-Prim Ministru qal li permezz ta’ dan il-proġett il-gvern qed ikompli jinvesti fil-komunità ta’ Marsaskala billi jagħti żvog lit-tfal u liż-żgħażagħ tal-lokal li ħaqqu faċilitajiet għall-familji u kumpens ambjentali għall-iżvilupp industrijali li sar matul is-snin. Qal li l-gvern għandu viżjoni għall-waterpolo u jrid li f’dan l-isport inkomplu niksbu aktar riżultati tajbin u ngħollu l-livell.

Is-Segretarju Parlamentari spjega li l-proġett immexxi minn Sport Malta se jkun ta’ livell internazzjonali fejn jista’ jintlagħab logħob tal-waterpolo kif ukoll taħriġ tal-għawm. Il-proġett, li mistenni jitlesta fl-2020, se jikkumplimenta l-Istrateġija Nazzjonali għall-Isport. Din hi turija ċara li l-gvern hu impenjat li jkompli jsaħħaħ l-infrastruttura sportiva biex ikompli jgħolli u jilħaq livelli ta’ suċċess fl-isport f’pajjiżna.

Il-Kap Eżekuttiv ta’ Sport Malta Mark Cutajar qal li dan l-proġett hu parti minn serje ta` proġetti oħra relatati mal-isport akwatiku. Barra l-proġett tal-pixxina ta’ Birżebbuġa u l-pixxina indoor fil-Kottonera li tinsab fit-tielet u fl-aħħar fażi tagħha, din il-pixxina se toffri iktar possibbiltajiet ta’ taħriġ għall-atleti u għal min irid juża l-għawm bħala eżerċizzju fiżiku. Qal li kif titlesta din il-pixxina, Sport Malta se jgħin lill-klabb biex il-pixxina tkun tista’ tiġi użata matul is-sena kollha mhux biss mill-klabbs tal-lokal iżda anke minn klabbs oħra fil-madwar.

“Prime Minister Joseph Muscat announces new Marsaskala Waterpolo Pitch 11/05/2019
ATTN: PRESS RELEASES
To issue first thing tomorrow “

Din il-faċilità ta’ livell internazzjonali se tkun tista’ tospita logħob tal-waterpolo internazzjonali kif ukoll tkun faċilità għat-taħriġ tal-għawm u tal-waterpolo. Il-faċilità se tkun mgħammra bl-aħħar teknoloġija favur l-ambjent f’dak li għandu x’jaqsam mat-tisħin u mal-ħażna tal-ilma. Il-pixxina l-ġdida se tiġi żviluppata fiż-żona magħrufa bħala tas-‘Siberia’ li tinsab eżattament in-naħa l-oħra tal-pitch eżistenti.

Il-faċilità ħa tkun maqsuma fuq żewg livelli. Fil-livell ta’ fuq se jkun hemm żona tal-promenade fejn wieħed ikun jista’ jara l-attività minn fuq deck area fejn ħa jkun hemm ristorant. Il-faċilità se tkun mgħammra b’changing rooms, kmamar għall-ħażna tal-oġġetti, kmamar attrezzati għall-ewwel għajnuna u kmamar b’użu differenti għall-kumitat tal-klabb. Fil-livell ta’ taħt l-art se jkun hemm l-imħażen tar-ristorant u tal-klabb, reservoir tal-ilma, back wash tal-pixxina, kamra bil-pompi, pompi għat-tisħin u ballast tanks tal-pixxina.

An info meeting was called by SportMalta at the Cotonera Sports Complex to all sport organisation to provide more information about the new scheme ‘Leading Sport Organisation to Higher Energy Efficiency’.  During this meeting, those interested could be explaining more about the scheme and the process to benefit from such a scheme.

Il-Prim Ministru Joseph Muscat, akkumpanjat mis-Segretarju Parlamentari għaż-Żgħażagħ, Sport u Għaqdiet tal-Volontarjat Clifton Grima, inawgura l-proġett imwiegħed tar-rinovar tal-korsa tal-atletika fil-Marsa Sports Complex b’investiment ta’ madwar €600,000 minn SportMalta, li se tkun tista’ tilqa’ fiha kompetizzjonijiet ta’ livell internazzjonali.

Il-Prim Ministru Joseph Muscat qal li l-qasam sportiv huwa qasam ferm għal qalb il-Gvern, u fiż-żmien li ġej se nkunu qed naraw aktar investimenti f’aktar faċilitajiet sportivi, iżda fuq kollox investiment, u tħaddim bis-serjetà ta’ Strateġija Nazzjonali tal-Isport.

Il-Prim Ministru qal li f’pajjiżna għandna bżonn mentalità rebbieħa, ta’ poplu li għalkemm jaf li għandu l-limitazzjonijiet tiegħu, jaf iżda li għandu l-potenzjal biex jikseb aktar. Huwa sostna li dan il-potenzjal jista’ jinkixef aktar fil-beraħ billi jkun hemm aktar impenji sabiex isir aktar investiment b’saħħtu favur l-isport, fosthom billi n-nies li jħarrġu lill-atleti tagħna jkunu nies b’esperjenza kbira u bil-mentalità adatatta u li nibqgħu—kif diġà qed nagħmlu, u llum hija prova ħajja ta’ dan— ninvestu fil-faċilitajiet tagħna dejjem ħalli jkompli jitjieb dejjem aktar il-livell.

Is-Segretarju Parlamentari Clifton Grima spjega kif permezz ta’ dan il-proġett, pajjiżna se jkollu korsa tal-atletika tal-ogħla livell fejn l-atleti Maltin jistgħu jitħarrġu b’mod professjonali u b’hekk tikkumplimenta l-Istrateġija Nazzjonali għall-Isport li se titħabbar minn hawn u ftit tal-ġimgħat oħra.

“Permezz tal-proġetti sportivi li qegħdin nagħmlu se nkomplu nattiraw lejn pajjiżna t-turiżmu sportiv fejn ikollna timijiet u klabbs barranin f’pajjiżna. Qabel kellna trakka li kienet meqjusa bħala tat-tieni klassi, issa għandna trakka tal-ogħla livell. Il-pjaċir tiegħi mhuwiex biss minħabba l-fatt li se jkollna faċilità state-of-the-art li fiha l-atleti ikunu jistgħu jitħarrġu f’ambjent tal-ogħla livell, is-sodisfazzjon tiegħi huwa ġej mill-fatt li se jkollok it-tfal Maltin li se jkunu jistgħu joħolmu li permezz ta’ taħriġ hawnhekk, jiksbu riżultati fuq livell internazzjonali għaliex jien tassew nemmen li aħna pajjiż ta’ winners”, stqarr is-segretarju parlamentari.

Ix-xogħol estensiv li sar fil-Faċilità tal-Atletika fil-Marsa Sports Complex sar matul ix-xhur ta’ Ottubru 2018 u Marzu 2019, li kien jinkludi l-qlugħ tal-wiċċ sintetiku kollu, tiswijiet fuq il-wiċċ tal-asfalt, livellar totalment ġdid tar-run-ups tal-javelin u tal-areas kollha tal-pole vault u l-high jump, il-kostruzzjoni mill-ġdid ta’ erba’ ċrieki tat-throws, il-kostruzzjoni ta’ run-up u żewġ sand pits ġodda għal-long jump, tiswija fuq il-water jump fl-isteeplechase u t-tqegħid ta’ wiċċ sintetiku ġdid fuq livell ta’ Kategorija 1 tal-IAAF li huwa l-ogħla kategorija għal faċilità tal-atletika. Dan ifisser li t-trakka tal-Marsa għandha wiċċ sintetiku li jilħaq livell Olimpiku.

Dan il-proġett huwa parti minn programm estensiv ta’ finanzjament għat-titjib ta’ faċilitajiet sportivi, li se jkunu qed jospitaw il-Logħob tal-Pajjiżi z-Żgħar tal-Ewropa f’Malta fl-2023.