Fuq inizjattiva tal-Għaqda Ġurnalisti Sport, matul din is-sena skolastika ingħata bidu għall-proġett edukattiv bil-kollaborazzjoni tal-Kumitat Olimpiku Malti u bl-appoġġ tal-Ministeru għall-Edukazzjoni u x-xogħol.
Fi żjara li għamel waqt l-aħħar sessjoni ta’ din is-sena skolastika l-Ministru tal-Edukazzjoni u x-Xogħol Evarist Bartolo faħħar din l-inizjattiva li tikkumplimenta s-sistema tal-edukazzjoni prattika. Hu spjega li matul din is-sena skolastika saru b’kollox ħames żjarat fi skejjel imħallta bejn skejjel tal-Gvern, privati u anke tal-Knisja fejn ingħatat l-opportunita’ lill-istudenti li kienu jvarjaw mill-Form 3, 4 u 5 jesperjenzaw professjoni partikolari li forsi ftit li xejn tisemma’ bħala karriera possibbli li wieħed jista’ jimraħ fiiha.
Is-Segretarju Parlamentari għaż-Żgħażagħ, Sport u Għaqdiet tal-Volontarjat Clifton Grima inkoraġixxa lill-Għaqda Ġurnalisti Sports u lill-Kumitat Olimpiku Malti sabiex ikomplu jaħdmu flimkien b’ideat oħra wara s-suċċess ta’ dan il-proġett. Hu tenna li f’dan il-proġett l-istudenti qed jingħataw togħma tal-professjoni tal-ġurnalist tal-Isport, jifhmu aħjar l-irwol ta’ min jaħdem f’dan ix-xogħol kemm bħala xandar, ġurnalist fuq gazzetti, publikazzjonijiet, websites u social media li tant huma popolari fost din il-ġenerazzjoni żagħżugħa.
Il-President tal-Għaqda Ġurnalisti Sports Sandro Micallef rringrazzja lill-Ministeru tal-Edukazjoni tal-Koperazzjoni speċjalment lill-Education Officer tal-Edukazzjoni Fiżika Kevin Azzopardi li mill-ewwel offra l-appoġġ tiegħu għal din l-inizjattiva. Hu rringrazzja wkoll għall-koperazzjoni lill-Kapijiet tal-Iskejjel li fihom saru ż-żjarat preċedenti li kienu l-Iskola St Joseph Sliema, St Dorothy’s Żebbuġ, Middle School Birkirkara Kulleġġ Sta Tereża u St Martin’s College Swatar.
Micallef qal li l-Għaqda Ġuurnalisti Sports illum il-ġurnata ħadet dimensjoni oħra fis-settur tal-isport f’pajjiżna fejn b’inizjattivi bħal dawn qed tkompli tikkonferma ruħha bħala waħda mill-istakeholders indispensabbli fl-iżvilupp tal-Isport u tal-ġurnaliżmu f’pajjiżna.
Il-proġett kellu żewġ għanijiet prinċipali: li studenti fl-iskejjel tas-sekondarja jingħataw esperejenza permezz ta’ tagħlim bażiku fil-qasam tal-ġurnaliżmu sportiv u fl-istess ħin jsiru jafu aktar mill-viċin l-atleti Maltin billi jiltaqgħu magħhom u jsaqsuhom dwar il-karriera sportiva.
Il-proġett kien imfassal b’mod li t-teorija ma tieħux il-maġġoranza tal-ħin f’dawn is-sessjonijiet hekk kif l-istudenti qed ikun mgħejjuna fost l-oħrajn jfasslu, l-mistoqsijiet tagħhom qabel ma’ jagħmlu intervista, jfasslu artiklu għal fuq gazzzetta jew website, jagħmlu kummentarju u saħansitra mgħallma kif jaqraw l-aħbarijiet sportivi quddiem camera tat-televiżjoni vera u proprja.
Il-proġett kien ikkordinat minn żewġ għalliema tal-Edukazzjoni Fiżika Joanna Camilleri u Charlene Attard li huma eks atleti u li llum il-ġurnata huma ġurnalisti tal-Isport. Barra minn hekk Joanna Camilleri hija membru fl-Eżekuttiv tal-Għaqda Ġurnalisti Sports u Charlene Attard hija Direttur fi ħdan il-Kumitat Olimpiku Malti.
Related Posts
The finalists of the Sport Malta Awards- Għazliet Sportivi Nazzjonali announced
The finalists of the Sport Malta Awards- Għazliet Sportivi Nazzjonali organised by SportMalta and Għaqda Ġurnalisti Sports,...
Hon. Grima meets the Malta Olympic Committee
Hon. Clifton Grima, Parliamentary Secretary for Youth, Sport and Voluntary Organisations visited the Malta Olympic Committee...