SPORTMALTA AWARDS REVIEW

Is-Sibt filgħaxija saret is-56 edizzjoni ta’ SportMalta Awards Għażliet Sportivi Nazzjonali, serata li fiha ġew ippremjati atleti kif ukoll uffiċjali għall-kisbiet tagħhom matul is-sena 2016.

Ir-rebbieħa kollha ta’ SportMalta Awards Għażliet Sportivi Nazzjonali, li kienu organizzati b’mod konġunt bejn SportMalta, l-Għaqda Ġurnalisti Sports u mis-Segretarjat Parlamentari għar-Riċerka, Innovazzjoni, Żgħażagħ u Sport huma dawn:

Sportiv tas-Sena: Duncan  Micallef (Drag Racing)

Sportiva tas-Sena: Tiziana Carannante (Ten Pin Bowling)

Żagħżugħ tas-Sena: Ben Plumpton (Waterpolo)

Żagħżugħa tas-Sena: Helene Pellicano (Tennis)

Team tas-Sena: Team Nazzjonali Malti tal-Football U21

Uffiċjal tas-Sena: Esther Azzopardi (Football)

Coach tas-Sena: Silvio Vella (Football)

People’s Choice Award: John Zammit (Ċikliżmu)

Waqt is-serata ngħataw unuri oħra fosthom lill-Assoċjazzjoni Maltija tal-Badminton għall-aħjar avveniment internazzjonali organizzat f’Malta u lil Joe Bajada li ddistingwa ruħu bil-ħidma tiegħu fil-gżira Għawdxija.  Mark Agius (Bocce) u Ann Marie Bugeja (Ġinnastika) ingħataw l-unur tal-iktar atleti ta’ Special Olympics li spikkaw matul is-sena 2016.

Is-serata li xxandret b’mod dirett fuq TVM2 kellha preżentazzjoni minn Pamela Schembri. Waqt is-serata saru diskorsi miċ- Chairman ta’ SportMalta, Luciano Busuttil, mill- President tal-Għaqda Ġurnalisti Sports Charles Camenzuli, miċ-Chairman tal-Kumitat Organizzattiv Mark Cutajar u mis-Segretarju Parlamentarigħar-Riċerka, Innovazzjoni, Żgħażagħ u Sport Chris Agius.

Repetizzjoni tas-serata ta’ SportMalta Awards Għażliet Sportvi Nazzjonali tixxandar fil-jiem li ġejjin fuq TVM2 u tkun disponibbli wkoll on-demand fuq tvm.com.mt