Fl-1 ta’ Mejju, SportMalta organizzat Open Day fil-Pixxina Nazzjonali f’Tal-Qroqq. F’din l-okkażżjoni kien hemm diversi attivitajiet sportivi għall-familja kollha, fosthom lezzjonijiet tal-għawm għal kull eta’, sessjonijiet taż-żfin għat-tfal, yoga, fitness u circuit training għall-adulti, tournament tal-isquash, maratona tal-għawm, tlielaq tal-għawm, tellieqa tat-triathlon, kompetizzjoni tal-isnooker, karate, canoe polo għal kull eta, kif ukoll capoeira.
Waħda mill-attivitajiet l-iżjed popolari ma’ dawk li attendew kienu t-tlielaq mit-tim nazzjonali tal-għawm kif ukoll xow spettakolari taż-żfin sinkronizzat mit-tim nazzjonali. Il-ġurnata ntemmet b’logħbiet tal-waterpolo fejn kienu nvoluti t-timijiet nazzjonali tal-irġiel, tal-kbar u ta’ taħt id-19-il sena kif ukoll it-tim nazzjonali tan-nisa ta’ taħt is-16-il sena. Atleti minn Special Olympics, li għadhom kemm kisbu suċċess f’Ċipru, pparteċipaw ukoll.
Il-partiċipazzjoni f’dawn l-attivitajiet kien kollha bla ħlas iżda min ta’ donazzjoni dawn marru għall-Marigold Foundation. L-Open Day saret bħala parti mill-kampanja NowWeMove, li ġiet imnedija iktar kmieni din il-ġimgħa, bl-għan li tiżdied l-attivita’ fiżika.
SportMalta jirringrazzja lill-pubbliku li attenda għal din l-attivita’.
Related Posts
IR-REBBIEĦA TAL-ISPORTIVI NAZZJONALI JILTAQGĦU MAL-PRESIDENT TA’ MALTA
Il-Ħamis wara nofsinhar ir-rebbieħa tad-59 edizzjoni ta’ l-iSportivi Nazzjonali kienu mistiedna l-Palazz San Anton sabiex jiġu...
Works in progress at the new Basketball Pavilion
Infrastructural works are currently underway and in their third week at the Basketball Pavilion at Ta’ Qali. The project...